حَدَّثَنَا قُتَيْبَةُ حَدَّثَنَا عَبْدُ الْعَزِيزِ عَنْ ثَوْرٍ عَنْ أَبِي الْغَيْثِ عَنْ أَبِي هُرَيْرَةَ أَنَّهُ قَالَكُنَّا جُلُوسًا عِنْدَ النَّبِيِّ صَلَّى اللَّهُ عَلَيْهِ وَسَلَّمَ إِذْ نَزَلَتْ عَلَيْهِ سُورَةُ الْجُمُعَةِ فَلَمَّا قَرَأَ {وَآخَرِينَ مِنْهُمْ لَمَّا يَلْحَقُوا بِهِمْ} قَالَ مَنْ هَؤُلَاءِ يَا رَسُولَ اللَّهِ فَلَمْ يُرَاجِعْهُ صَلَّى اللَّهُ عَلَيْهِ وَسَلَّمَ حَتَّى سَأَلَهُ مَرَّةً أَوْ مَرَّتَيْنِ أَوْ ثَلَاثًا وَفِينَا سَلْمَانُ الْفَارِسِيُّ قَالَ فَوَضَعَ النَّبِيُّ صَلَّى اللَّهُ عَلَيْهِ وَسَلَّمَ يَدَهُ عَلَى سَلْمَانَ وَقَالَ لَوْ كَانَ الْإِيمَانُ عِنْدَ الثُّرَيَّا لَنَالَهُ رِجَالٌ مِنْ هَؤُلَاءِ
Abu Hurayra (roziyallohu anhu)dan rivoyat qilinadi: Biz Nabiy ﷺ ning huzurlarida oʻtirgan edik, shunda u zotga Jumʼa surasi nozil boʻldi. U zot: {Va ulardan boshqalarga (ham yuborilgandirki), ular hali bularga qoʻshilmaganlar} (oyatini) oʻqiganlarida, (bir kishi): «Bular kimlar, yo Rasululloh?» dedi. Nabiy ﷺ unga, u bir, ikki yoki uch marta soʻraguncha javob qaytarmadilar. Bizning oramizda Salmon al-Forsiy bor edi. (Abu Hurayra) dedi: Nabiy ﷺ qoʻllarini Salmonning ustiga qoʻyib, soʻng: «Agar iymon Surayyo (yulduzi)da boʻlsa ham, bulardan boʻlgan kishilar unga yetishar edi», dedilar.Абу Ҳурайра (розияллоҳу анҳу)дан ривоят қилинади: Биз Набий ﷺ нинг ҳузурларида ўтирган эдик, шунда у зотга Жумъа сураси нозил бўлди. У зот: {Ва улардан бошқаларга (ҳам юборилгандирки), улар ҳали буларга қўшилмаганлар} (оятини) ўқиганларида, (бир киши): «Булар кимлар, ё Расулуллоҳ?» деди. Набий ﷺ унга, у бир, икки ёки уч марта сўрагунча жавоб қайтармадилар. Бизнинг орамизда Салмон ал-Форсий бор эди. (Абу Ҳурайра) деди: Набий ﷺ қўлларини Салмоннинг устига қўйиб, сўнг: «Агар иймон Сурайё (юлдузи)да бўлса ҳам, булардан бўлган кишилар унга етишар эди», дедилар.