حَدَّثَنَا إِسْمَاعِيلُ بْنُ إِبْرَاهِيمَ عَنْ سَعِيدٍ الْجُرَيْرِيِّ عَنْ أَبِي نَضْرَةَ عَنْ أَبِي سَعِيدٍ قَالَاعْتَكَفَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْعَشْرَ الْأَوْسَطَ مِنْ رَمَضَانَ وَهُوَ يَلْتَمِسُ لَيْلَةَ الْقَدْرِ قَبْلَ أَنْ تُبَانَ لَهُ فَلَمَّا تَقَضَّيْنَ أَمَرَ بِبُنْيَانِهِ فَنُقِضَ ثُمَّ أُبِينَتْ لَهُ أَنَّهَا فِي الْعَشْرِ الْأَوَاخِرِ فَأَمَرَ بِالْبِنَاءِ فَأُعِيدَ ثُمَّ اعْتَكَفَ الْعَشْرَ الْأَوَاخِرَ ثُمَّ خَرَجَ عَلَى النَّاسِ فَقَالَ يَا أَيُّهَا النَّاسُ إِنَّهَا أُبِينَتْ لِي لَيْلَةُ الْقَدْرِ فَخَرَجْتُ لِأُخْبِرَكُمْ بِهَا فَجَاءَ رَجُلَانِ يَحِيفَانِ مَعَهُمَا الشَّيْطَانُ فَنُسِّيتُهَا فَالْتَمِسُوهَا فِي التَّاسِعَةِ وَالسَّابِعَةِ وَالْخَامِسَةِفَقُلْتُ يَا أَبَا سَعِيدٍ إِنَّكُمْ أَعْلَمُ بِالْعَدَدِ مِنَّا قَالَ أَنَا أَحَقُّ بِذَاكَ مِنْكُمْ فَمَا التَّاسِعَةُ وَالسَّابِعَةُ وَالْخَامِسَةُ قَالَ تَدَعُ الَّتِي تَدْعُونَ إِحْدَى وَعِشْرِينَ وَالَّتِي تَلِيهَا التَّاسِعَةُ وَتَدَعُ الَّتِي تَدْعُونَ ثَلَاثَةً وَعِشْرِينَ وَالَّتِي تَلِيهَا السَّابِعَةُ وَتَدَعُ الَّتِي تَدْعُونَ خَمْسَةً وَعِشْرِينَ وَالَّتِي تَلِيهَا الْخَامِسَةُ
Abu Said al-Xudriy (roziyallohu anhu)dan rivoyat qilinadi: Rasululloh ﷺ Ramazonning oʻrta oʻn (kuni)da — Laylatul qadr u zotga oydinlashtirilishidan oldin — uni axtarib iʼtikofda boʻldilar. (Bu kunlar) tugagach, (chodir) qurilmasini buzishga buyurdilar, u buzildi. Soʻng u zotga u (kecha) soʻnggi oʻn (kecha)da ekani oydinlashtirildi, shunda u zot qurilmani (tiklashga) buyurdilar va u qaytadan tiklandi. Soʻng u zot soʻnggi oʻn (kecha)da iʼtikofda boʻldilar. Keyin odamlar oldiga chiqib: «Ey odamlar! Menga Laylatul qadr oydinlashtirilgan edi, men uni sizlarga xabar berish uchun chiqqan edim. Shu payt ikki kishi janjallashib keldi, ular bilan birga shayton ham bor edi va u (kecha) menga unutdirildi. Bas, uni toʻqqizinchi, yettinchi va beshinchi (kecha)da axtaringlar», dedilar. Men: «Ey Abu Said! Sizlar (kun) hisobini bizdan koʻra yaxshiroq bilasizlar», dedim. U: «Men bunda sizlardan haqliroqman», dedi. «Toʻqqizinchi, yettinchi va beshinchi nima?» dedim. U: «Sizlar yigirma bir deb ataydiganini qoʻyasan-da, undan keyingisi — toʻqqizinchidir; sizlar yigirma uch deb ataydiganini qoʻyasan-da, undan keyingisi — yettinchidir; sizlar yigirma besh deb ataydiganini qoʻyasan-da, undan keyingisi — beshinchidir», dedi.Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ Рамазоннинг ўрта ўн (куни)да — Лайлатул қадр у зотга ойдинлаштирилишидан олдин — уни ахтариб иътикофда бўлдилар. (Бу кунлар) тугагач, (чодир) қурилмасини бузишга буюрдилар, у бузилди. Сўнг у зотга у (кеча) сўнгги ўн (кеча)да экани ойдинлаштирилди, шунда у зот қурилмани (тиклашга) буюрдилар ва у қайтадан тикланди. Сўнг у зот сўнгги ўн (кеча)да иътикофда бўлдилар. Кейин одамлар олдига чиқиб: «Эй одамлар! Менга Лайлатул қадр ойдинлаштирилган эди, мен уни сизларга хабар бериш учун чиққан эдим. Шу пайт икки киши жанжаллашиб келди, улар билан бирга шайтон ҳам бор эди ва у (кеча) менга унутдирилди. Бас, уни тўққизинчи, еттинчи ва бешинчи (кеча)да ахтаринглар», дедилар. Мен: «Эй Абу Саид! Сизлар (кун) ҳисобини биздан кўра яхшироқ биласизлар», дедим. У: «Мен бунда сизлардан ҳақлироқман», деди. «Тўққизинчи, еттинчи ва бешинчи нима?» дедим. У: «Сизлар йигирма бир деб атайдиганини қўясан-да, ундан кейингиси — тўққизинчидир; сизлар йигирма уч деб атайдиганини қўясан-да, ундан кейингиси — еттинчидир; сизлар йигирма беш деб атайдиганини қўясан-да, ундан кейингиси — бешинчидир», деди.