Abu Said al-Xudriy (roziyallohu anhu)dan rivoyat qilinadiki, Rasululloh ﷺ namoz oʻqiyotgan edilar; (asnoda) kavshlarini yechdilar, shunda odamlar ham kavshlarini yechishdi. Namozdan chiqqanlarida: «Nega kavshlaringizni yechdingiz?» dedilar. Ular: «Yo Rasululloh, Sizning yechganingizni koʻrdik va biz ham yechdik», deyishdi. U zot: «Albatta huzurimga Jibril kelib, ularda najosat borligini menga xabar berdi. Bas, biringiz masjidga kelsa, kavshini agʻdarib, unga qarab koʻrsin; agar ularda najosat koʻrsa, ularni yerga ishqalasin, soʻng ularda namoz oʻqisin», dedilar.Абу Саид ал-Худрий (розияллоҳу анҳу)дан ривоят қилинадики, Расулуллоҳ ﷺ намоз ўқиётган эдилар; (аснода) кавшларини ечдилар, шунда одамлар ҳам кавшларини ечишди. Намоздан чиққанларида: «Нега кавшларингизни ечдингиз?» дедилар. Улар: «Ё Расулуллоҳ, Сизнинг ечганингизни кўрдик ва биз ҳам ечдик», дейишди. У зот: «Албатта ҳузуримга Жибрил келиб, уларда нажосат борлигини менга хабар берди. Бас, бирингиз масжидга келса, кавшини ағдариб, унга қараб кўрсин; агар уларда нажосат кўрса, уларни ерга ишқаласин, сўнг уларда намоз ўқисин», дедилар.