حَدَّثَنَا يَزِيدُ أَخْبَرَنَا هَمَّامُ بْنُ يَحْيَى حَدَّثَنَا قَتَادَةُ عَنْ أَبِي الصِّدِّيقِ النَّاجِيِّ عَنْ أَبِي سَعِيدٍ الْخُدْرِيِّ قَالَلَا أُحَدِّثُكُمْ إِلَّا مَا سَمِعْتُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ سَمِعَتْهُ أُذُنَايَ وَوَعَاهُ قَلْبِي أَنَّ عَبْدًا قَتَلَ تِسْعَةً وَتِسْعِينَ نَفْسًا ثُمَّ عَرَضَتْ لَهُ التَّوْبَةُ فَسَأَلَ عَنْ أَعْلَمِ أَهْلِ الْأَرْضِ فَدُلَّ عَلَى رَجُلٍ فَأَتَاهُ فَقَالَ إِنِّي قَتَلْتُ تِسْعَةً وَتِسْعِينَ نَفْسًا فَهَلْ لِي مِنْ تَوْبَةٍ قَالَ بَعْدَ قَتْلِ تِسْعَةٍ وَتِسْعِينَ نَفْسًا قَالَ فَانْتَضَى سَيْفَهُ فَقَتَلَهُ بِهِ فَأَكْمَلَ بِهِ مِائَةً ثُمَّ عَرَضَتْ لَهُ التَّوْبَةُ فَسَأَلَ عَنْ أَعْلَمِ أَهْلِ الْأَرْضِ فَدُلَّ عَلَى رَجُلٍ فَأَتَاهُ فَقَالَ إِنِّي قَتَلْتُ مِائَةَ نَفْسٍ فَهَلْ لِي مِنْ تَوْبَةٍ فَقَالَ وَمَنْ يَحُولُ بَيْنَكَ وَبَيْنَ التَّوْبَةِ اخْرُجْ مِنْ الْقَرْيَةِ الْخَبِيثَةِ الَّتِي أَنْتَ فِيهَا إِلَى الْقَرْيَةِ الصَّالِحَةِ قَرْيَةِ كَذَا وَكَذَا فَاعْبُدْ رَبَّكَ فِيهَا قَالَ فَخَرَجَ إِلَى الْقَرْيَةِ الصَّالِحَةِ فَعَرَضَ لَهُ أَجَلُهُ فِي الطَّرِيقِ قَالَ فَاخْتَصَمَتْ فِيهِ مَلَائِكَةُ الرَّحْمَةِ وَمَلَائِكَةُ الْعَذَابِ قَالَ فَقَالَ إِبْلِيسُ أَنَا أَوْلَى بِهِ إِنَّهُ لَمْ يَعْصِنِي سَاعَةً قَطُّ قَالَ فَقَالَتْ مَلَائِكَةُ الرَّحْمَةِ إِنَّهُ خَرَجَ تَائِبًاقَالَ هَمَّامٌ فَحَدَّثَنِي حُمَيْدٌ الطَّوِيلُ عَنْ بَكْرِ بْنِ عَبْدِ اللَّهِ الْمُزَنِيِّ عَنْ أَبِي رَافِعٍ قَالَ فَبَعَثَ اللَّهُ عَزَّ وَجَلَّ لَهُ مَلَكًا فَاخْتَصَمُوا إِلَيْهِ ثُمَّ رَجَعَ إِلَى حَدِيثِ قَتَادَةَ قَالَ فَقَالَ انْظُرُوا أَيُّ الْقَرْيَتَيْنِ كَانَ أَقْرَبَ إِلَيْهِ فَأَلْحِقُوهُ
Abu Said al-Xudriy (roziyallohu anhu)dan rivoyat qilinadi: Sizlarga Rasululloh ﷺdan eshitgan, quloqlarim eshitib, qalbim yod olgan narsadan boshqasini aytib bermayman: bir banda toʻqson toʻqqiz jonni oʻldirdi, soʻng unda tavba qilish istagi paydo boʻldi. U yer yuzidagi eng olim kishini soʻradi, unga bir odam koʻrsatildi. U oʻsha kishining oldiga borib: «Men toʻqson toʻqqiz jonni oʻldirdim, menga tavba bormi?» dedi. U: «Toʻqson toʻqqiz jonni oʻldirgandan keyinmi?!» dedi. Shunda u qilichini sugʻurib, uni ham oʻldirdi va shu bilan yuztaga yetkazdi. Soʻng yana unda tavba qilish istagi paydo boʻldi. U yer yuzidagi eng olim kishini soʻradi, unga bir odam koʻrsatildi. U oʻsha kishining oldiga borib: «Men yuz jonni oʻldirdim, menga tavba bormi?» dedi. U: «Tavba bilan sening orangga kim toʻsiq boʻla oladi?! Oʻzing turgan yomon qishloqdan chiqib, yaxshi qishloqqa, falon-falon qishloqqa bor va u yerda Robbingga ibodat qil», dedi. Bas, u yaxshi qishloqni koʻzlab yoʻlga chiqdi, ammo yoʻlda ajali yetdi. Uning haqida rahmat farishtalari bilan azob farishtalari tortishib qolishdi. Iblis: «Men unga haqliroqman, chunki u bir soat ham menga osiylik qilmagan», dedi. Rahmat farishtalari esa: «U tavba qilib chiqqan edi», deyishdi. Hammom aytdi: Menga Humayd at-Tavil, Bakr ibn Abdulloh al-Muzaniydan, u Abu Rofiʼdan aytib berdi: Bas, Alloh azza va jalla ularga bir farishtani yubordi va ular unga hakamlik qildirdilar. Soʻng (rovi) Qatodaning hadisiga qaytdi: U: «Ikki qishloqning qaysi biri unga yaqinroq boʻlsa, oʻshanga qoʻshinglar», dedi.Абу Саид ал-Худрий (розияллоҳу анҳу)дан ривоят қилинади: Сизларга Расулуллоҳ ﷺдан эшитган, қулоқларим эшитиб, қалбим ёд олган нарсадан бошқасини айтиб бермайман: бир банда тўқсон тўққиз жонни ўлдирди, сўнг унда тавба қилиш истаги пайдо бўлди. У ер юзидаги энг олим кишини сўради, унга бир одам кўрсатилди. У ўша кишининг олдига бориб: «Мен тўқсон тўққиз жонни ўлдирдим, менга тавба борми?» деди. У: «Тўқсон тўққиз жонни ўлдиргандан кейинми?!» деди. Шунда у қиличини суғуриб, уни ҳам ўлдирди ва шу билан юзтага етказди. Сўнг яна унда тавба қилиш истаги пайдо бўлди. У ер юзидаги энг олим кишини сўради, унга бир одам кўрсатилди. У ўша кишининг олдига бориб: «Мен юз жонни ўлдирдим, менга тавба борми?» деди. У: «Тавба билан сенинг орангга ким тўсиқ бўла олади?! Ўзинг турган ёмон қишлоқдан чиқиб, яхши қишлоққа, фалон-фалон қишлоққа бор ва у ерда Роббингга ибодат қил», деди. Бас, у яхши қишлоқни кўзлаб йўлга чиқди, аммо йўлда ажали етди. Унинг ҳақида раҳмат фаришталари билан азоб фаришталари тортишиб қолишди. Иблис: «Мен унга ҳақлироқман, чунки у бир соат ҳам менга осийлик қилмаган», деди. Раҳмат фаришталари эса: «У тавба қилиб чиққан эди», дейишди. Ҳаммом айтди: Менга Ҳумайд ат-Тавил, Бакр ибн Абдуллоҳ ал-Музанийдан, у Абу Рофиъдан айтиб берди: Бас, Аллоҳ азза ва жалла уларга бир фариштани юборди ва улар унга ҳакамлик қилдирдилар. Сўнг (рови) Қатоданинг ҳадисига қайтди: У: «Икки қишлоқнинг қайси бири унга яқинроқ бўлса, ўшанга қўшинглар», деди.