Abu Said al-Xudriy (roziyallohu anhu)dan rivoyat qilinadi: Rasululloh ﷺga xurmo shoxlarini qoʻllarida ushlab yurish yoqar edi. Bir kuni masjidga kirdilar, qoʻllarida ulardan biri bor edi. Masjidning qiblasida balgʻamlarni koʻrib, ularni tozalab boʻlgunlaricha qirdilar, soʻng gʻazablangan holda odamlarga yuzlanib: «Biringiz oʻziga bir kishi roʻpara boʻlib, yuziga tupurishini yoqtiradimi?! Albatta, biringiz namozga turganida Robbi azza va jallaga roʻpara boʻladi, farishta esa uning oʻng tomonidadir. Bas, u oldiga ham, oʻng tomoniga ham tupurmasin; chap oyogʻi ostiga yoki chap tomoniga tupursin. Agar (tupurish) uni shoshiltirsa, mana bunday qilsin», dedilar va uning bir qismini ikkinchi qismiga qaytardilar. Yahyo esa kiyimiga tupurib, uni ishqalab (koʻrsatdi).Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺга хурмо шохларини қўлларида ушлаб юриш ёқар эди. Бир куни масжидга кирдилар, қўлларида улардан бири бор эди. Масжиднинг қибласида балғамларни кўриб, уларни тозалаб бўлгунларича қирдилар, сўнг ғазабланган ҳолда одамларга юзланиб: «Бирингиз ўзига бир киши рўпара бўлиб, юзига тупуришини ёқтирадими?! Албатта, бирингиз намозга турганида Робби азза ва жаллага рўпара бўлади, фаришта эса унинг ўнг томонидадир. Бас, у олдига ҳам, ўнг томонига ҳам тупурмасин; чап оёғи остига ёки чап томонига тупурсин. Агар (тупуриш) уни шошилтирса, мана бундай қилсин», дедилар ва унинг бир қисмини иккинчи қисмига қайтардилар. Яҳё эса кийимига тупуриб, уни ишқалаб (кўрсатди).