Abu Said al-Xudriy (roziyallohu anhu)dan rivoyat qilinadi: Rasululloh ﷺ: «Qiyomat kuni Nuh (alayhissalom) chaqiriladi va unga: ‹Yetkazdingmi?› deyiladi. U: ‹Ha›, deydi. Soʻng qavmi chaqirilib, ularga: ‹U sizlarga yetkazdimi?› deyiladi. Ular: ‹Bizga hech ogohlantiruvchi kelmadi›, yoki: ‹Bizga hech kim kelmadi›, deyishadi. Shunda Nuhga: ‹Senga kim guvohlik beradi?› deyiladi. U: ‹Muhammad va uning ummati›, deydi», dedilar. Bas, bu Allohning {Shunday qilib, sizlarni oʻrtacha (vasat) ummat qildik} degan soʻzidir. U zot: «Vasat — odildir», dedilar. «Soʻng ular chaqiriladi va uning yetkazganiga guvohlik beradilar. Keyin men sizlarga guvohlik beraman», dedilar.Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ: «Қиёмат куни Нуҳ (алайҳиссалом) чақирилади ва унга: ‹Етказдингми?› дейилади. У: ‹Ҳа›, дейди. Сўнг қавми чақирилиб, уларга: ‹У сизларга етказдими?› дейилади. Улар: ‹Бизга ҳеч огоҳлантирувчи келмади›, ёки: ‹Бизга ҳеч ким келмади›, дейишади. Шунда Нуҳга: ‹Сенга ким гувоҳлик беради?› дейилади. У: ‹Муҳаммад ва унинг уммати›, дейди», дедилар. Бас, бу Аллоҳнинг {Шундай қилиб, сизларни ўртача (васат) уммат қилдик} деган сўзидир. У зот: «Васат — одилдир», дедилар. «Сўнг улар чақирилади ва унинг етказганига гувоҳлик берадилар. Кейин мен сизларга гувоҳлик бераман», дедилар.