حَدَّثَنَا أَبُو كُرَيْبٍ، وَأَحْمَدُ بْنُ سِنَانٍ، قَالاَ حَدَّثَنَا أَبُو مُعَاوِيَةَ، عَنِ الأَعْمَشِ، عَنْ أَبِي صَالِحٍ، عَنْ أَبِي سَعِيدٍ، قَالَ قَالَ رَسُولُ اللَّهِ ـ صلى الله عليه وسلم ـ " يَجِيءُ النَّبِيُّ يَوْمَ الْقِيَامَةِ وَمَعَهُ الرَّجُلُ وَيَجِيءُ النَّبِيُّ وَمَعَهُ الرَّجُلاَنِ وَيَجِيءُ النَّبِيُّ وَمَعَهُ الثَّلاَثَةُ وَأَكْثَرُ مِنْ ذَلِكَ وَأَقَلُّ فَيُقَالُ لَهُ هَلْ بَلَّغْتَ قَوْمَكَ فَيَقُولُ نَعَمْ . فَيُدْعَى قَوْمُهُ فَيُقَالُ هَلَ بَلَّغَكُمْ فَيَقُولُونَ لاَ . فَيُقَالُ مَنْ شَهِدَ لَكَ فَيَقُولُ مُحَمَّدٌ وَأُمَّتُهُ . فَتُدْعَى أُمَّةُ مُحَمَّدٍ فَيُقَالُ هَلْ بَلَّغَ هَذَا فَيَقُولُونَ نَعَمْ . فَيَقُولُ وَمَا عِلْمُكُمْ بِذَلِكَ فَيَقُولُونَ أَخْبَرَنَا نَبِيُّنَا بِذَلِكَ أَنَّ الرُّسُلَ قَدْ بَلَّغُوا فَصَدَّقْنَاهُ . قَالَ فَذَلِكُمْ قَوْلُهُ تَعَالَى {وَكَذَلِكَ جَعَلْنَاكُمْ أُمَّةً وَسَطًا لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيدًا} .
Abu Said al-Xudriy (roziyallohu anhu)dan rivoyat qilinadi: Rasululloh ﷺ: «Qiyomat kuni Nabiy oʻzi bilan bitta kishisi bor holda keladi, yana Nabiy oʻzi bilan ikki kishisi bor holda keladi, yana Nabiy oʻzi bilan uch kishisi bor holda keladi, undan koʻp yoki oz boʻlganicha keladi. Unga: ‹Qavmingga yetkazdingmi?›, deb aytiladi. U: ‹Ha›, deydi. Soʻng uning qavmi chaqirilib: ‹U sizlarga yetkazdimi?›, deb aytiladi. Ular: ‹Yoʻq›, deydilar. Shunda: ‹Senga kim guvohlik beradi?›, deb aytiladi. U: ‹Muhammad va uning ummati›, deydi. Soʻng Muhammad ummati chaqirilib: ‹Bu odam yetkazdimi?›, deb aytiladi. Ular: ‹Ha›, deydilar. Shunda: ‹Buni qayerdan bildingiz?›, deb aytiladi. Ular: ‹Bizning Nabiyimiz paygʻambarlar albatta yetkazganlarini bizga xabar qildilar, biz ularni tasdiqladik›, deydilar», dedilar. U zot: «Mana bu Alloh taoloning: {Sizlarni odamlar ustidan guvoh boʻlishingiz va Paygʻambar sizlarning ustingizdan guvoh boʻlishi uchun oʻrta (adolatli) ummat qildik} degan kalomidir», dedilar. (Baqara 143)Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ: «Қиёмат куни Набий ўзи билан битта кишиси бор ҳолда келади, яна Набий ўзи билан икки кишиси бор ҳолда келади, яна Набий ўзи билан уч кишиси бор ҳолда келади, ундан кўп ёки оз бўлганича келади. Унга: ‹Қавмингга етказдингми?›, деб айтилади. У: ‹Ҳа›, дейди. Сўнг унинг қавми чақирилиб: ‹У сизларга етказдими?›, деб айтилади. Улар: ‹Йўқ›, дейдилар. Шунда: ‹Сенга ким гувоҳлик беради?›, деб айтилади. У: ‹Муҳаммад ва унинг уммати›, дейди. Сўнг Муҳаммад уммати чақирилиб: ‹Бу одам етказдими?›, деб айтилади. Улар: ‹Ҳа›, дейдилар. Шунда: ‹Буни қаердан билдингиз?›, деб айтилади. Улар: ‹Бизнинг Набийимиз пайғамбарлар албатта етказганларини бизга хабар қилдилар, биз уларни тасдиқладик›, дейдилар», дедилар. У зот: «Мана бу Аллоҳ таолонинг: {Сизларни одамлар устидан гувоҳ бўлишингиз ва Пайғамбар сизларнинг устингиздан гувоҳ бўлиши учун ўрта (адолатли) уммат қилдик} деган каломидир», дедилар. (Бақара 143)