حَدَّثَنَا وَكِيعٌ عَنِ الْأَعْمَشِ عَنْ أَبِي صَالِحٍ عَنْ أَبِي سَعِيدٍ الْخُدْرِيِّ قَالَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَقُولُ اللَّهُ عَزَّ وَجَلَّ يَوْمَ الْقِيَامَةِ يَا آدَمُ قُمْ فَابْعَثْ بَعْثَ النَّارِ فَيَقُولُ لَبَّيْكَ وَسَعْدَيْكَ وَالْخَيْرُ فِي يَدَيْكَ يَا رَبِّ وَمَا بَعْثُ النَّارِ قَالَ مِنْ كُلِّ أَلْفٍ تِسْعَ مِائَةٍ وَتِسْعَةً وَتِسْعِينَ قَالَ فَحِينَئِذٍ يَشِيبُ الْمَوْلُودُ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُمْ بِسُكَارَى وَلَكِنَّ عَذَابَ اللَّهِ شَدِيدٌ قَالَ فَيَقُولُونَ فَأَيُّنَا ذَلِكَ الْوَاحِدُ قَالَ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ تِسْعَ مِائَةٍ وَتِسْعَةً وَتِسْعِينَ مِنْ يَأْجُوجَ وَمَأْجُوجَ وَمِنْكُمْ وَاحِدٌ قَالَ فَقَالَ النَّاسُ اللَّهُ أَكْبَرُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَفَلَا تَرْضَوْنَ أَنْ تَكُونُوا رُبُعَ أَهْلِ الْجَنَّةِ وَاللَّهِ إِنِّي لَأَرْجُو أَنْ تَكُونُوا رُبُعَ أَهْلِ الْجَنَّةِ وَاللَّهِ إِنِّي لَأَرْجُو أَنْ تَكُونُوا ثُلُثَ أَهْلِ الْجَنَّةِ وَاللَّهِ إِنِّي لَأَرْجُو أَنْ تَكُونُوا نِصْفَ أَهْلِ الْجَنَّةِ قَالَ فَكَبَّرَ النَّاسُ قَالَ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَا أَنْتُمْ يَوْمَئِذٍ فِي النَّاسِ إِلَّا كَالشَّعْرَةِ الْبَيْضَاءِ فِي الثَّوْرِ الْأَسْوَدِ أَوْ كَالشَّعْرَةِ السَّوْدَاءِ فِي الثَّوْرِ الْأَبْيَضِ
Abu Said al-Xudriy (roziyallohu anhu)dan rivoyat qilinadi: Rasululloh ﷺ: «Qiyomat kuni Alloh azza va jalla: ‹Ey Odam! Tur va doʻzax ulushini chiqar›, deydi. U: ‹Labbayka va saʼdayka, yaxshilik Sening ikki qoʻlingdadir, ey Robbim! Doʻzax ulushi qancha?› deydi. (Alloh): ‹Har mingdan toʻqqiz yuz toʻqson toʻqqiztasi›, deydi. Mana oʻshanda kichkintoy qariydi, har bir homiladar oʻz homilasini tashlaydi va sen odamlarni mast koʻrasan, holbuki ular mast emaslar; lekin Allohning azobi qattiqdir», dedilar. Shunda ular: «Qaysimiz oʻsha bir kishi (boʻlamiz)?» dedilar. Rasululloh ﷺ: «Toʻqqiz yuz toʻqson toʻqqiztasi Yaʼjuj va Maʼjujdan, sizlardan esa bittasi», dedilar. Shunda odamlar: «Allohu akbar», dedilar. Rasululloh ﷺ: «Jannat ahlining choragi boʻlishingizga rozi emasmisiz? Allohga qasamki, men sizlarning jannat ahlining choragi boʻlishingizni umid qilaman. Allohga qasamki, men sizlarning jannat ahlining uchdan biri boʻlishingizni umid qilaman. Allohga qasamki, men sizlarning jannat ahlining yarmi boʻlishingizni umid qilaman», dedilar. Bas, odamlar takbir aytdilar. Soʻng Rasululloh ﷺ: «Oʻsha kuni sizlar odamlar ichida qora hoʻkizdagi oq tuk yoki oq hoʻkizdagi qora tuk kabigina boʻlasizlar», dedilar.Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ: «Қиёмат куни Аллоҳ азза ва жалла: ‹Эй Одам! Тур ва дўзах улушини чиқар›, дейди. У: ‹Лаббайка ва саъдайка, яхшилик Сенинг икки қўлингдадир, эй Роббим! Дўзах улуши қанча?› дейди. (Аллоҳ): ‹Ҳар мингдан тўққиз юз тўқсон тўққизтаси›, дейди. Мана ўшанда кичкинтой қарийди, ҳар бир ҳомиладар ўз ҳомиласини ташлайди ва сен одамларни маст кўрасан, ҳолбуки улар маст эмаслар; лекин Аллоҳнинг азоби қаттиқдир», дедилар. Шунда улар: «Қайсимиз ўша бир киши (бўламиз)?» дедилар. Расулуллоҳ ﷺ: «Тўққиз юз тўқсон тўққизтаси Яъжуж ва Маъжуждан, сизлардан эса биттаси», дедилар. Шунда одамлар: «Аллоҳу акбар», дедилар. Расулуллоҳ ﷺ: «Жаннат аҳлининг чораги бўлишингизга рози эмасмисиз? Аллоҳга қасамки, мен сизларнинг жаннат аҳлининг чораги бўлишингизни умид қиламан. Аллоҳга қасамки, мен сизларнинг жаннат аҳлининг учдан бири бўлишингизни умид қиламан. Аллоҳга қасамки, мен сизларнинг жаннат аҳлининг ярми бўлишингизни умид қиламан», дедилар. Бас, одамлар такбир айтдилар. Сўнг Расулуллоҳ ﷺ: «Ўша куни сизлар одамлар ичида қора ҳўкиздаги оқ тук ёки оқ ҳўкиздаги қора тук кабигина бўласизлар», дедилар.