Abu Said al-Xudriy (roziyallohu anhu) aytdi: Rasululloh ﷺ qasam ichib, qasamni qattiq qilmoqchi boʻlganlarida: «Yoʻq, Abulqosimning joni qoʻlida boʻlgan Zotga qasamki, ummatimdan shunday bir qavm chiqadiki, sizlar oʻz amallaringizni ularning amallari oldida arzimas deb bilasizlar. Ular Qurʼon oʻqiydilar, ammo (u) boʻgʻizlaridan oʻtmaydi. Ular oʻq nishondan otilib chiqqanidek, Islomdan chiqib ketadilar», der edilar. Ular: «Ularni tanib olsa boʻladigan biror belgi bormi?» dedilar. U zot: «Ular orasida kichkina qoʻlli yoki kichkina koʻkrakli bir kishi bor; boshlari qirtishlangan boʻladi», dedilar. Abu Said aytdi: Menga Nabiy ﷺning sahobalaridan yigirma yoki yigirmadan ortiq kishi Ali (roziyallohu anhu) ularni oʻldirish ishini oʻz zimmasiga olganini aytib berdi. (Roviy) aytdi: Men Abu Saidni qariganidan keyin, qoʻllari titragan holda: «Ular bilan urushish menga oʻshalarning soniga teng turklar bilan urushishdan koʻra halolroqdir», deyayotganini koʻrdim.Абу Саид ал-Худрий (розияллоҳу анҳу) айтди: Расулуллоҳ ﷺ қасам ичиб, қасамни қаттиқ қилмоқчи бўлганларида: «Йўқ, Абулқосимнинг жони қўлида бўлган Зотга қасамки, умматимдан шундай бир қавм чиқадики, сизлар ўз амалларингизни уларнинг амаллари олдида арзимас деб биласизлар. Улар Қуръон ўқийдилар, аммо (у) бўғизларидан ўтмайди. Улар ўқ нишондан отилиб чиққанидек, Исломдан чиқиб кетадилар», дер эдилар. Улар: «Уларни таниб олса бўладиган бирор белги борми?» дедилар. У зот: «Улар орасида кичкина қўлли ёки кичкина кўкракли бир киши бор; бошлари қиртишланган бўлади», дедилар. Абу Саид айтди: Менга Набий ﷺнинг саҳобаларидан йигирма ёки йигирмадан ортиқ киши Али (розияллоҳу анҳу) уларни ўлдириш ишини ўз зиммасига олганини айтиб берди. (Ровий) айтди: Мен Абу Саидни қариганидан кейин, қўллари титраган ҳолда: «Улар билан урушиш менга ўшаларнинг сонига тенг турклар билан урушишдан кўра ҳалолроқдир», деяётганини кўрдим.