Jobir ibn Abdulloh (roziyallohu anhumo) aytadi: Nabiy ﷺ Oisha (roziyallohu anho)ning huzurlariga kirdilar, u yigʻlab oʻtirardi. U zot: «Senga nima boʻldi, nega yigʻlayapsan?» dedilar. U: «Odamlar ehromdan chiqdilar, men esa chiqmadim; ular Baytni tavof qildilar, men tavof qilmadim. Mana, haj ham yetib keldi — shuning uchun yigʻlayapman», dedi. U zot: «Bu — Alloh Odam qizlariga yozib qoʻygan ishdir. Bas, gʻusl qilib, hajga ehrom bogʻla va haj qil», dedilar. U aytdi: Men shunday qildim. Poklanganimda esa u zot: «Baytni va Safo bilan Marva orasini tavof qil, endi hajingdan ham, umrangdan ham ehromdan chiqding», dedilar. Men: «Yo Rasululloh, umram haqida koʻnglimda bir narsa bor: men haj qilmagunimcha tavof qilmagan edim», dedim. U zot: «Ey Abdurrahmon, uni olib borgin-da, Tanʼimdan umra qildirgin», dedilar.Жобир ибн Абдуллоҳ (розияллоҳу анҳумо) айтади: Набий ﷺ Оиша (розияллоҳу анҳо)нинг ҳузурларига кирдилар, у йиғлаб ўтирарди. У зот: «Сенга нима бўлди, нега йиғлаяпсан?» дедилар. У: «Одамлар эҳромдан чиқдилар, мен эса чиқмадим; улар Байтни тавоф қилдилар, мен тавоф қилмадим. Мана, ҳаж ҳам етиб келди — шунинг учун йиғлаяпман», деди. У зот: «Бу — Аллоҳ Одам қизларига ёзиб қўйган ишдир. Бас, ғусл қилиб, ҳажга эҳром боғла ва ҳаж қил», дедилар. У айтди: Мен шундай қилдим. Покланганимда эса у зот: «Байтни ва Сафо билан Марва орасини тавоф қил, энди ҳажингдан ҳам, умрангдан ҳам эҳромдан чиқдинг», дедилар. Мен: «Ё Расулуллоҳ, умрам ҳақида кўнглимда бир нарса бор: мен ҳаж қилмагунимча тавоф қилмаган эдим», дедим. У зот: «Эй Абдурраҳмон, уни олиб боргин-да, Танъимдан умра қилдиргин», дедилар.