Jobir ibn Abdulloh (roziyallohu anhumo)dan rivoyat qilinadiki, Rasululloh ﷺ Tabuk gʻazotida Jobirning yonidan oʻtdilar, uning tuyasi holdan toygan edi. U zot: «Senga nima boʻldi, ey Jobir?» dedilar. Men: «Tuyam toliqib qoldi», dedim. U zot uning orqa tomonidan kelib duo qildilar va uni haydadilar. Shundan soʻng u tuyalarning oldiga tushib boraverdi. Keyin u zot mening yonimga kelib: «Tuya nima qildi?» dedilar. Men: «U (tuyalarni) yetaklab boryapti», dedim. U zot: «Uni necha (pulga) olgan eding?» dedilar. Men: «Oʻn uch dinorga», dedim. U zot: «Uni menga shu narxga sot, Madinaga qadar unga minish sening (haqqing)», dedilar. Men: «Ha», dedim. Madinaga kelganimda uni jilovlab, Nabiy ﷺning huzurlariga olib bordim. U zot menga uning narxini ham berdilar, tuyani ham berdilar.Жобир ибн Абдуллоҳ (розияллоҳу анҳумо)дан ривоят қилинадики, Расулуллоҳ ﷺ Табук ғазотида Жобирнинг ёнидан ўтдилар, унинг туяси ҳолдан тойган эди. У зот: «Сенга нима бўлди, эй Жобир?» дедилар. Мен: «Туям толиқиб қолди», дедим. У зот унинг орқа томонидан келиб дуо қилдилар ва уни ҳайдадилар. Шундан сўнг у туяларнинг олдига тушиб бораверди. Кейин у зот менинг ёнимга келиб: «Туя нима қилди?» дедилар. Мен: «У (туяларни) етаклаб боряпти», дедим. У зот: «Уни неча (пулга) олган эдинг?» дедилар. Мен: «Ўн уч динорга», дедим. У зот: «Уни менга шу нархга сот, Мадинага қадар унга миниш сенинг (ҳаққинг)», дедилар. Мен: «Ҳа», дедим. Мадинага келганимда уни жиловлаб, Набий ﷺнинг ҳузурларига олиб бордим. У зот менга унинг нархини ҳам бердилар, туяни ҳам бердилар.