Jobir ibn Abdulloh (roziyallohu anhumo) aytadi: Nabiy ﷺ mavqifda odamlarga oʻzlarini koʻrsatib: «Meni oʻz qavmiga olib boradigan bironta kishi yoʻqmi? Zero, Quraysh meni Robbim azza va jallaning kalomini yetkazishimdan toʻsdi», der edilar. Shunda u zotning oldilariga Hamdondan bir kishi keldi. U zot: «Sen kimlardansan?» dedilar. U kishi: «Hamdondan», dedi. U zot: «Qavmingda himoya (kuch) bormi?» dedilar. U: «Ha», dedi. Soʻng u kishi qavmi uni yolgʻiz qoldirishidan qoʻrqib, Rasululloh ﷺning oldilariga kelib: «Ularning oldiga borib xabar beraman, soʻng kelasi yili sizning oldingizga kelaman», dedi. U zot: «Ha», dedilar. Bas, u ketdi va rajab oyida ansorlarning vakillari keldi.Жобир ибн Абдуллоҳ (розияллоҳу анҳумо) айтади: Набий ﷺ мавқифда одамларга ўзларини кўрсатиб: «Мени ўз қавмига олиб борадиган биронта киши йўқми? Зеро, Қурайш мени Роббим азза ва жалланинг каломини етказишимдан тўсди», дер эдилар. Шунда у зотнинг олдиларига Ҳамдондан бир киши келди. У зот: «Сен кимлардансан?» дедилар. У киши: «Ҳамдондан», деди. У зот: «Қавмингда ҳимоя (куч) борми?» дедилар. У: «Ҳа», деди. Сўнг у киши қавми уни ёлғиз қолдиришидан қўрқиб, Расулуллоҳ ﷺнинг олдиларига келиб: «Уларнинг олдига бориб хабар бераман, сўнг келаси йили сизнинг олдингизга келаман», деди. У зот: «Ҳа», дедилар. Бас, у кетди ва ражаб ойида ансорларнинг вакиллари келди.