al-Miqdom ibn Maʼdikarib aytdi: Biz Xolid ibn al-Valid bilan birga yozgi gʻazotga chiqdik. Sheriklarimiz goʻshtga oʻch boʻlib qolib, mendan soʻrashdi va: «Uning bir biyasini soʻyishimizga ruxsat berasanmi?» dedilar. Men uni ularga topshirdim, ular esa uni bogʻlashdi. Soʻng men: «Joyingizda turinglar, men Xolidning oldiga borib, undan soʻray», dedim. Bas, uning oldiga borib soʻradim. U dedi: Biz Rasululloh ﷺ bilan birga Xaybar gʻazotida jang qildik; odamlar yahudiylarning qoʻralariga shoshilib (bostirib) kirishdi. Shunda u zot menga: «Namoz — jamoat (bilan); jannatga faqat musulmon kiradi», deb nido qilishimga buyurdilar. Soʻng: «Ey odamlar, sizlar yahudiylarning qoʻralariga shoshilib kirdingiz. Ogʻoh boʻlinglar! Ahdlashganlarning mollari haqsiz ravishda halol boʻlmaydi. Xonaki eshaklarning goʻshtlari, ularning otlari va xachirlari, yirtqichlardan qoziq tishli boʻlgan har bir (hayvon) hamda qushlardan changalli boʻlgan har bir (qush) sizlarga haromdir», dedilar.ал-Миқдом ибн Маъдикариб айтди: Биз Холид ибн ал-Валид билан бирга ёзги ғазотга чиқдик. Шерикларимиз гўштга ўч бўлиб қолиб, мендан сўрашди ва: «Унинг бир биясини сўйишимизга рухсат берасанми?» дедилар. Мен уни уларга топширдим, улар эса уни боғлашди. Сўнг мен: «Жойингизда туринглар, мен Холиднинг олдига бориб, ундан сўрай», дедим. Бас, унинг олдига бориб сўрадим. У деди: Биз Расулуллоҳ ﷺ билан бирга Хайбар ғазотида жанг қилдик; одамлар яҳудийларнинг қўраларига шошилиб (бостириб) киришди. Шунда у зот менга: «Намоз — жамоат (билан); жаннатга фақат мусулмон киради», деб нидо қилишимга буюрдилар. Сўнг: «Эй одамлар, сизлар яҳудийларнинг қўраларига шошилиб кирдингиз. Оғоҳ бўлинглар! Аҳдлашганларнинг моллари ҳақсиз равишда ҳалол бўлмайди. Хонаки эшакларнинг гўштлари, уларнинг отлари ва хачирлари, йиртқичлардан қозиқ тишли бўлган ҳар бир (ҳайвон) ҳамда қушлардан чангалли бўлган ҳар бир (қуш) сизларга ҳаромдир», дедилар.