Ali (roziyallohu anhu)dan rivoyat qilinadi: Rasululloh ﷺ bir qoʻshin joʻnatib, ularga ansorlardan bir kishini boshliq qilib tayinladilar. Ular yoʻlga chiqishganda, u kishi biror narsadan ularga gʻazablanib qoldi va: «Rasululloh ﷺ sizlarni menga itoat qilishga buyurmaganmidilar?» dedi. Ular: «Ha, buyurgan edilar», deyishdi. U: «Oʻtin toʻplanglar», dedi, soʻng olov keltirib, oʻtinni yoqdi va: «Sizlarni bunga kirishga qasam ichib buyuraman», dedi. Odamlar unga kirmoqchi ham boʻlishdi. Shunda ular orasidan bir yigit: «Sizlar Rasululloh ﷺ ga aynan oʻt (doʻzax)dan qochib kelgan edingiz, shoshilmanglar, toki Nabiy ﷺ ni uchratguningizcha. Agar u zot sizlarga bunga kirishni buyursalar, kiraveringlar», dedi. Shunday qilib ular Nabiy ﷺ oldiga qaytib, u zotga bu haqda xabar berishdi. U zot ﷺ ularga: «Agar unga kirganingizda edi, undan hech qachon chiqolmagan boʻlardingiz. Itoat faqat maʼruf (yaxshi) ishlardadir», dedilar.Али (розияллоҳу анҳу)дан ривоят қилинади: Расулуллоҳ ﷺ бир қўшин жўнатиб, уларга ансорлардан бир кишини бошлиқ қилиб тайинладилар. Улар йўлга чиқишганда, у киши бирор нарсадан уларга ғазабланиб қолди ва: «Расулуллоҳ ﷺ сизларни менга итоат қилишга буюрмаганмидилар?» деди. Улар: «Ҳа, буюрган эдилар», дейишди. У: «Ўтин тўпланглар», деди, сўнг олов келтириб, ўтинни ёқди ва: «Сизларни бунга киришга қасам ичиб буюраман», деди. Одамлар унга кирмоқчи ҳам бўлишди. Шунда улар орасидан бир йигит: «Сизлар Расулуллоҳ ﷺ га айнан ўт (дўзах)дан қочиб келган эдингиз, шошилманглар, токи Набий ﷺ ни учратгунингизча. Агар у зот сизларга бунга киришни буюрсалар, кираверинглар», деди. Шундай қилиб улар Набий ﷺ олдига қайтиб, у зотга бу ҳақда хабар беришди. У зот ﷺ уларга: «Агар унга кирганингизда эди, ундан ҳеч қачон чиқолмаган бўлардингиз. Итоат фақат маъруф (яхши) ишлардадир», дедилар.