Ali (roziyallohu anhu)dan rivoyat qilinadi: Kufa aholisidan baʼzi kishilar Usmon (roziyallohu anhu) huzuriga kelib, Validning ishi, yaʼni uning aroq ichgani haqida xabar berishdi. Ali bu haqda Usmon bilan gaplashdi. Usmon: «Amakivachchang oldingda, unga hadni oʻzing joriy qil», dedi. Ali: «Ey Hasan, tur, uni savala», dedi. Hasan: «Bu ishga sen munosibroqsan, buni boshqaga topshir», dedi. Ali: «Yoʻq, sen zaiflashding, holdan toyding va ojiz qolding. Tur, ey Abdulloh ibn Jaʼfar», dedi. Shunda Abdulloh uni ura boshladi, Ali esa qirqtaga yetguncha sanab turdi, soʻng: «Toʻxta», yoki «Bas qil», dedi va: «Rasululloh ﷺ qirq (darra), Abu Bakr qirq (darra) urgan, Umar esa uni saksontaga yetkazgan, hammasi ham sunnatdir», dedi.Али (розияллоҳу анҳу)дан ривоят қилинади: Куфа аҳолисидан баъзи кишилар Усмон (розияллоҳу анҳу) ҳузурига келиб, Валиднинг иши, яъни унинг ароқ ичгани ҳақида хабар беришди. Али бу ҳақда Усмон билан гаплашди. Усмон: «Амакиваччанг олдингда, унга ҳадни ўзинг жорий қил», деди. Али: «Эй Ҳасан, тур, уни савала», деди. Ҳасан: «Бу ишга сен муносиброқсан, буни бошқага топшир», деди. Али: «Йўқ, сен заифлашдинг, ҳолдан тойдинг ва ожиз қолдинг. Тур, эй Абдуллоҳ ибн Жаъфар», деди. Шунда Абдуллоҳ уни ура бошлади, Али эса қирқтага етгунча санаб турди, сўнг: «Тўхта», ёки «Бас қил», деди ва: «Расулуллоҳ ﷺ қирқ (дарра), Абу Бакр қирқ (дарра) урган, Умар эса уни саксонтага етказган, ҳаммаси ҳам суннатдир», деди.