Ali (roziyallohu anhu)dan rivoyat qilinadi: Biz undan Nabiy ﷺning kunduzdagi nafl namozlari haqida soʻradik. U: «Sizlar unga toqat qila olmaysizlar», dedi. Biz: «Bizga xabar bering, undan qila olganimizcha olamiz», dedik. U dedi: «Nabiy ﷺ bomdodni oʻqiganlarida, quyosh mana bu yerdan — mashriq tomondan asr namozi vaqtidagi holatidek magʻrib tomonga koʻtarilgunicha kutar, soʻng turib ikki rakat oʻqir edilar. Soʻng quyosh mana bu yerdan — mashriq tomondan peshin namozi vaqtidagi holatidek magʻrib tomonga koʻtarilgunicha kutar, soʻng turib toʻrt rakat oʻqir edilar. Quyosh ogʻganda peshindan oldin toʻrt rakat, undan keyin ikki rakat, asrdan oldin toʻrt rakat oʻqir, har ikki rakat orasini muqarrab farishtalarga, paygʻambarlarga va ularga ergashgan moʻminlar va musulmonlarga salom berish bilan ajratar edilar». Ali (roziyallohu anhu) dedi: «Bu Nabiy ﷺning kunduzdagi oʻn olti rakat nafl namozidir. Bunga davomiy amal qiladigan kishi kam».Али (розияллоҳу анҳу)дан ривоят қилинади: Биз ундан Набий ﷺнинг кундуздаги нафл намозлари ҳақида сўрадик. У: «Сизлар унга тоқат қила олмайсизлар», деди. Биз: «Бизга хабар беринг, ундан қила олганимизча оламиз», дедик. У деди: «Набий ﷺ бомдодни ўқиганларида, қуёш мана бу ердан — машриқ томондан аср намози вақтидаги ҳолатидек мағриб томонга кўтарилгунича кутар, сўнг туриб икки ракат ўқир эдилар. Сўнг қуёш мана бу ердан — машриқ томондан пешин намози вақтидаги ҳолатидек мағриб томонга кўтарилгунича кутар, сўнг туриб тўрт ракат ўқир эдилар. Қуёш оғганда пешиндан олдин тўрт ракат, ундан кейин икки ракат, асрдан олдин тўрт ракат ўқир, ҳар икки ракат орасини муқарраб фаришталарга, пайғамбарларга ва уларга эргашган мўминлар ва мусулмонларга салом бериш билан ажратар эдилар». Али (розияллоҳу анҳу) деди: «Бу Набий ﷺнинг кундуздаги ўн олти ракат нафл намозидир. Бунга давомий амал қиладиган киши кам».