Amr ibn Abasa (roziyallohu anhu)dan rivoyat qilinadi: Rasululloh ﷺ otlarni koʻzdan kechirayotgan edilar, huzurlarida Uyayna ibn Hisn ibn Huzayfa ibn Badr al-Fazoriy bor edi. U zot Uyaynaga: «Men otlarni sendan koʻra yaxshiroq bilaman», dedilar. Uyayna: «Men esa kishilarni sizdan koʻra yaxshiroq bilaman», dedi. U zot: «Bu qanday boʻldi?» dedilar. U: «Kishilarning yaxshilari — qilichlarini yelkalariga qoʻyib, nayzalarini otlarining yagʻriniga tiragan Najd ahlidir», dedi. U zot: «Yolgʻon aytding! Kishilarning yaxshilari Yaman ahlining kishilaridir; iymon yamanchadir, men ham yamanlikman. Qiyomat kuni jannatda qabilalarning eng koʻpi Mazhijdir. Hazramavt Banul-Horisdan yaxshiroqdir. Ikkala qabila ham halok boʻlsa, parvo qilmayman. Aziz va jalil Allohdan boʻlak na soʻz bor, na mulk. Alloh toʻrt podshohni — Jamdo, Mishraxo, Mixvaso va Abzaani hamda ularning singlisi Amarradani laʼnatlasin», dedilar.Амр ибн Абаса (розияллоҳу анҳу)дан ривоят қилинади: Расулуллоҳ ﷺ отларни кўздан кечираётган эдилар, ҳузурларида Уяйна ибн Ҳисн ибн Ҳузайфа ибн Бадр ал-Фазорий бор эди. У зот Уяйнага: «Мен отларни сендан кўра яхшироқ биламан», дедилар. Уяйна: «Мен эса кишиларни сиздан кўра яхшироқ биламан», деди. У зот: «Бу қандай бўлди?» дедилар. У: «Кишиларнинг яхшилари — қиличларини елкаларига қўйиб, найзаларини отларининг яғринига тираган Нажд аҳлидир», деди. У зот: «Ёлғон айтдинг! Кишиларнинг яхшилари Яман аҳлининг кишиларидир; иймон яманчадир, мен ҳам яманликман. Қиёмат куни жаннатда қабилаларнинг энг кўпи Мазҳиждир. Ҳазрамавт Банул-Ҳорисдан яхшироқдир. Иккала қабила ҳам ҳалок бўлса, парво қилмайман. Азиз ва жалил Аллоҳдан бўлак на сўз бор, на мулк. Аллоҳ тўрт подшоҳни — Жамдо, Мишрахо, Михвасо ва Абзаани ҳамда уларнинг синглиси Амаррадани лаънатласин», дедилар.