Irboz ibn Soriya (roziyallohu anhu)dan rivoyat qilinadi: Rasululloh ﷺ bizga koʻzlarni yoshlantiradigan, qalblarni titratadigan bir vaʼz qildilar. Biz: «Ey Rasululloh, bu xuddi xayrlashuvchining vaʼziga oʻxshaydi. Bizga nima buyurasiz?», dedik. U zot: «Men sizlarni tuni ham kunduzidek yorugʻ boʻlgan oydin yoʻlda qoldirdim. Mendan keyin undan faqat halok boʻluvchigina ogʻadi. Sizlardan kim yashasa, koʻp ixtiloflarni koʻradi. Bas, mening sunnatimdan va toʻgʻri yoʻldan borgan hidoyatli xalifalarning sunnatidan bilgan narsangizni mahkam ushlanglar. Habashiy bir qul boʻlsa ham, itoat qilishni oʻzingizga lozim tutinglar va unga jagʻ tishlaringiz bilan yopishinglar. Chunki moʻmin xuddi burniga halqa oʻtkazilgan tuyaga oʻxshaydi: qayoqqa yetaklansa, oʻsha yoqqa boradi», dedilar.Ирбоз ибн Сория (розияллоҳу анҳу)дан ривоят қилинади: Расулуллоҳ ﷺ бизга кўзларни ёшлантирадиган, қалбларни титратадиган бир ваъз қилдилар. Биз: «Эй Расулуллоҳ, бу худди хайрлашувчининг ваъзига ўхшайди. Бизга нима буюрасиз?», дедик. У зот: «Мен сизларни туни ҳам кундузидек ёруғ бўлган ойдин йўлда қолдирдим. Мендан кейин ундан фақат ҳалок бўлувчигина оғади. Сизлардан ким яшаса, кўп ихтилофларни кўради. Бас, менинг суннатимдан ва тўғри йўлдан борган ҳидоятли халифаларнинг суннатидан билган нарсангизни маҳкам ушланглар. Ҳабаший бир қул бўлса ҳам, итоат қилишни ўзингизга лозим тутинглар ва унга жағ тишларингиз билан ёпишинглар. Чунки мўмин худди бурнига ҳалқа ўтказилган туяга ўхшайди: қаёққа етакланса, ўша ёққа боради», дедилар.