Irboz ibn Soriya (roziyallohu anhu) aytdi: Rasululloh ﷺ bizga bomdod namozini oʻqib berdilar, soʻng bizga yuzlanib, koʻzlardan yosh oqizgan, qalblarni titratgan taʼsirli bir vaʼz qildilar. Biz — yoki: ular — «Yo Rasululloh, bu xuddi xayrlashuvchining vaʼziga oʻxshaydi, bizga vasiyat qiling», dedik. U zot: «Sizlarga Allohdan qoʻrqishni, garchi habashiy bir qul boʻlsa ham, (amirni) tinglab, itoat qilishni vasiyat qilaman. Zero, sizlardan kim yashasa, mendan keyin koʻp ixtiloflarni koʻradi. Bas, mening sunnatimni va toʻgʻri yoʻldagi hidoyatli xalifalarning sunnatini lozim tutinglar, unga jagʻ tishlaringiz bilan yopishinglar. (Dinga) yangidan kiritilgan ishlardan ehtiyot boʻlinglar! Zero, har bir yangi kiritilgan ish bidʼat, har bir bidʼat esa zalolatdir», dedilar.Ирбоз ибн Сория (розияллоҳу анҳу) айтди: Расулуллоҳ ﷺ бизга бомдод намозини ўқиб бердилар, сўнг бизга юзланиб, кўзлардан ёш оқизган, қалбларни титратган таъсирли бир ваъз қилдилар. Биз — ёки: улар — «Ё Расулуллоҳ, бу худди хайрлашувчининг ваъзига ўхшайди, бизга васият қилинг», дедик. У зот: «Сизларга Аллоҳдан қўрқишни, гарчи ҳабаший бир қул бўлса ҳам, (амирни) тинглаб, итоат қилишни васият қиламан. Зеро, сизлардан ким яшаса, мендан кейин кўп ихтилофларни кўради. Бас, менинг суннатимни ва тўғри йўлдаги ҳидоятли халифаларнинг суннатини лозим тутинглар, унга жағ тишларингиз билан ёпишинглар. (Динга) янгидан киритилган ишлардан эҳтиёт бўлинглар! Зеро, ҳар бир янги киритилган иш бидъат, ҳар бир бидъат эса залолатдир», дедилар.