Abu Abdurrahmon al-Juhaniy (roziyallohu anhu)dan rivoyat qilinadi: Biz Rasululloh ﷺning huzurlarida turgan edik, birdan ikki otliq koʻrindi. U zot ularni koʻrgach: «(Bular) ikki kindiy, ikki mazhijiy», dedilar. Ular yetib kelishganda, mazhij (qabilasi)dan boʻlgan kishilar ekan. Ulardan biri bayʼat qilish uchun u zotga yaqinlashdi va qoʻllarini olganida: «Ey Allohning Rasuli, aytingchi, sizni koʻrgan, sizga imon keltirgan, sizni tasdiqlagan va sizga ergashgan kishi uchun nima bor?» dedi. U zot: «Unga tubo (xushxabar) boʻlsin», dedilar. Soʻng uning qoʻliga qoʻllarini surtdilar, u esa qaytdi. Keyin ikkinchisi kelib, bayʼat qilish uchun qoʻllarini oldi va: «Ey Allohning Rasuli, aytingchi, sizni koʻrmagani holda sizga imon keltirgan, sizni tasdiqlagan va sizga ergashgan kishi-chi?» dedi. U zot: «Unga tubo boʻlsin, soʻng unga tubo boʻlsin, soʻng unga tubo boʻlsin», dedilar. Soʻng uning qoʻliga qoʻllarini surtdilar, u ham qaytdi.Абу Абдурраҳмон ал-Жуҳаний (розияллоҳу анҳу)дан ривоят қилинади: Биз Расулуллоҳ ﷺнинг ҳузурларида турган эдик, бирдан икки отлиқ кўринди. У зот уларни кўргач: «(Булар) икки киндий, икки мазҳижий», дедилар. Улар етиб келишганда, мазҳиж (қабиласи)дан бўлган кишилар экан. Улардан бири байъат қилиш учун у зотга яқинлашди ва қўлларини олганида: «Эй Аллоҳнинг Расули, айтингчи, сизни кўрган, сизга имон келтирган, сизни тасдиқлаган ва сизга эргашган киши учун нима бор?» деди. У зот: «Унга тубо (хушхабар) бўлсин», дедилар. Сўнг унинг қўлига қўлларини суртдилар, у эса қайтди. Кейин иккинчиси келиб, байъат қилиш учун қўлларини олди ва: «Эй Аллоҳнинг Расули, айтингчи, сизни кўрмагани ҳолда сизга имон келтирган, сизни тасдиқлаган ва сизга эргашган киши-чи?» деди. У зот: «Унга тубо бўлсин, сўнг унга тубо бўлсин, сўнг унга тубо бўлсин», дедилар. Сўнг унинг қўлига қўлларини суртдилар, у ҳам қайтди.