Zayd ibn Arqam (roziyallohu anhu) aytdi: Biz Rasululloh ﷺ bilan bir safarga chiqdik va odamlarga qattiqchilik yetdi. Shunda Abdulloh ibn Ubayy oʻz sheriklariga: «Rasululloh huzuridagilarga, ular uning atrofidan tarqalib ketgunlaricha, sarf-xarajat qilmanglar», dedi; yana: «Agar Madinaga qaytsak, albatta aziz boʻlgan undan xor boʻlganni chiqarib yuboradi», dedi. Men Nabiy ﷺning oldilariga kelib, buni u zotga xabar berdim. U zot Abdulloh ibn Ubayyga (odam) yubordilar va undan soʻradilar; u esa qilmaganiga qattiq qasam ichdi. Shunda ular: «Rasululloh ﷺ Zaydni yolgʻonchi sanadilar», dedilar. Ularning gapidan koʻnglimga (gʻam) tushdi, toki Alloh azza va jalla {Iza jaakal-munofiquun}da mening rostligimni (tasdiqlab) nozil qildi. Soʻng Rasululloh ﷺ ular uchun magʻfirat soʻrash maqsadida ularni chaqirdilar, ular esa boshlarini burdilar. Allohning {Goʻyo ular suyab qoʻyilgan xodalardek} degan soʻzi haqida (Zayd): «Ular eng koʻrkam erkaklar edi», dedi.Зайд ибн Арқам (розияллоҳу анҳу) айтди: Биз Расулуллоҳ ﷺ билан бир сафарга чиқдик ва одамларга қаттиқчилик етди. Шунда Абдуллоҳ ибн Убайй ўз шерикларига: «Расулуллоҳ ҳузуридагиларга, улар унинг атрофидан тарқалиб кетгунларича, сарф-харажат қилманглар», деди; яна: «Агар Мадинага қайтсак, албатта азиз бўлган ундан хор бўлганни чиқариб юборади», деди. Мен Набий ﷺнинг олдиларига келиб, буни у зотга хабар бердим. У зот Абдуллоҳ ибн Убаййга (одам) юбордилар ва ундан сўрадилар; у эса қилмаганига қаттиқ қасам ичди. Шунда улар: «Расулуллоҳ ﷺ Зайдни ёлғончи санадилар», дедилар. Уларнинг гапидан кўнглимга (ғам) тушди, токи Аллоҳ азза ва жалла {Иза жаакал-мунофиқуун}да менинг ростлигимни (тасдиқлаб) нозил қилди. Сўнг Расулуллоҳ ﷺ улар учун мағфират сўраш мақсадида уларни чақирдилар, улар эса бошларини бурдилар. Аллоҳнинг {Гўё улар суяб қўйилган ходалардек} деган сўзи ҳақида (Зайд): «Улар энг кўркам эркаклар эди», деди.