Abu Muso (roziyallohu anhu) aytdi: Rasululloh ﷺ bizga peshin namozini oʻqib berdilar, soʻng bizga yuzlanib: «Joyingizda (turinglar)», dedilar. Keyin erkaklarga yuzlanib: «Albatta, Alloh tabaraka va taolo menga sizlarni Allohdan qoʻrqishga va toʻgʻri soʻz aytishga buyurishimni amr qilmoqda», dedilar. Soʻng erkaklarning orasidan oʻtib, ayollarning oldiga keldilar va: «Albatta, Alloh tabaraka va taolo menga sizlarni Alloh azza va jalladan qoʻrqishga va toʻgʻri soʻz aytishga buyurishimni amr qilmoqda», dedilar. Soʻng erkaklarning oldiga qaytib: «Musulmonlarning masjidlariga va bozorlariga (yoki: musulmonlarning bozorlariga va masjidlariga) kirganingizda, oʻzingiz bilan shu oʻqlardan biror narsa boʻlsa, ularning paykonlaridan ushlab olinglar — musulmonlardan birortasiga tegib, uni ranjitmanglar yoki jarohatlamanglar», dedilar.Абу Мусо (розияллоҳу анҳу) айтди: Расулуллоҳ ﷺ бизга пешин намозини ўқиб бердилар, сўнг бизга юзланиб: «Жойингизда (туринглар)», дедилар. Кейин эркакларга юзланиб: «Албатта, Аллоҳ табарака ва таоло менга сизларни Аллоҳдан қўрқишга ва тўғри сўз айтишга буюришимни амр қилмоқда», дедилар. Сўнг эркакларнинг орасидан ўтиб, аёлларнинг олдига келдилар ва: «Албатта, Аллоҳ табарака ва таоло менга сизларни Аллоҳ азза ва жалладан қўрқишга ва тўғри сўз айтишга буюришимни амр қилмоқда», дедилар. Сўнг эркакларнинг олдига қайтиб: «Мусулмонларнинг масжидларига ва бозорларига (ёки: мусулмонларнинг бозорларига ва масжидларига) кирганингизда, ўзингиз билан шу ўқлардан бирор нарса бўлса, уларнинг пайконларидан ушлаб олинглар — мусулмонлардан бирортасига тегиб, уни ранжитманглар ёки жароҳатламанглар», дедилар.