Maʼqil ibn Yasor (roziyallohu anhu)dan rivoyat qilinadi: Bir kuni men Nabiy ﷺga taharat suvini quyib berdim. Shunda u zot: «Fotima (roziyallohu anho)ni yoʻqlab borishni istaysanmi?» dedilar. Men: «Ha», dedim. Bas, u zot menga suyanib turdilar va: «Uning ogʻirligini sendan boshqa koʻtaradi, ajri esa senga boʻladi», dedilar. U aytdi: Goʻyo ustimda hech qanday yuk yoʻqdek edi, toki Fotima (alayhas-salom)ning huzuriga kirdik. U zot unga: «Oʻzingni qanday his qilyapsan?» dedilar. U: «Allohga qasamki, gʻamim kuchaydi, muhtojligim kuchaydi va xastaligim uzaydi», dedi. Abu Abdurrahmon aytdi: Otamning kitobida, uning oʻz qoʻl yozuvida bu hadis haqida shuni topdim: U zot: «Seni ummatimning islomga eng avval kirganiga, ilmi eng koʻpiga va halimligi eng ulugʻiga nikohlab berganimga rozi emasmisan?» dedilar.Маъқил ибн Ясор (розияллоҳу анҳу)дан ривоят қилинади: Бир куни мен Набий ﷺга таҳарат сувини қуйиб бердим. Шунда у зот: «Фотима (розияллоҳу анҳо)ни йўқлаб боришни истайсанми?» дедилар. Мен: «Ҳа», дедим. Бас, у зот менга суяниб турдилар ва: «Унинг оғирлигини сендан бошқа кўтаради, ажри эса сенга бўлади», дедилар. У айтди: Гўё устимда ҳеч қандай юк йўқдек эди, токи Фотима (алайҳас-салом)нинг ҳузурига кирдик. У зот унга: «Ўзингни қандай ҳис қиляпсан?» дедилар. У: «Аллоҳга қасамки, ғамим кучайди, муҳтожлигим кучайди ва хасталигим узайди», деди. Абу Абдурраҳмон айтди: Отамнинг китобида, унинг ўз қўл ёзувида бу ҳадис ҳақида шуни топдим: У зот: «Сени умматимнинг исломга энг аввал кирганига, илми энг кўпига ва ҳалимлиги энг улуғига никоҳлаб берганимга рози эмасмисан?» дедилар.