Abu Bakra (roziyallohu anhu)dan rivoyat qilinadi: Rasululloh ﷺ zamonlarida quyosh tutildi. Shunda u zot kiyimlarini sudragancha shoshib turdilar va masjidga keldilar, odamlar ham toʻplandi. U zot ikki rakaat namoz oʻqidilar, (shu orada) quyosh ochildi. Soʻng bizga yuzlanib: «Albatta, quyosh va oy Alloh taboraka va taoloning oyatlaridan ikki oyatdir; U bular bilan bandalarini qoʻrqitadi. Ular birortasining oʻlimi sababli tutilmaydi», dedilar. (Roviy) aytdi: Oʻshanda u zotning oʻgʻillari Ibrohim (alayhis-salom) vafot etgan edi. «Bas, ulardan birortasida shunday narsani koʻrsangiz, sizdagi (holat) koʻtarilguncha namoz oʻqinglar va duo qilinglar», (dedilar). Boshqa sanad bilan (Abu Bakra) rivoyat qildi: Nabiy ﷺ zamonlarida quyosh tutildi, biz u zotning huzurlarida edik. Shunda u zot qoʻrqib, kiyimlarini sudragancha sapchib turdilar — soʻng (roviy) shu maʼnodagini zikr qildi.Абу Бакра (розияллоҳу анҳу)дан ривоят қилинади: Расулуллоҳ ﷺ замонларида қуёш тутилди. Шунда у зот кийимларини судраганча шошиб турдилар ва масжидга келдилар, одамлар ҳам тўпланди. У зот икки ракаат намоз ўқидилар, (шу орада) қуёш очилди. Сўнг бизга юзланиб: «Албатта, қуёш ва ой Аллоҳ таборака ва таолонинг оятларидан икки оятдир; У булар билан бандаларини қўрқитади. Улар бирортасининг ўлими сабабли тутилмайди», дедилар. (Ровий) айтди: Ўшанда у зотнинг ўғиллари Иброҳим (алайҳис-салом) вафот этган эди. «Бас, улардан бирортасида шундай нарсани кўрсангиз, сиздаги (ҳолат) кўтарилгунча намоз ўқинглар ва дуо қилинглар», (дедилар). Бошқа санад билан (Абу Бакра) ривоят қилди: Набий ﷺ замонларида қуёш тутилди, биз у зотнинг ҳузурларида эдик. Шунда у зот қўрқиб, кийимларини судраганча сапчиб турдилар — сўнг (ровий) шу маънодагини зикр қилди.