Ali (roziyallohu anhu)dan rivoyat qilinadi: Rasululloh ﷺ Abdulmuttalib oʻgʻillarini yigʻdilar yoki chaqirdilar. Ular orasida bir necha kishilar bor edi, ularning har biri yosh qoʻyni yeb, koʻp suv icha olardi. U zot ular uchun bir mudd taom tayyorladilar, ular toʻygunlaricha yedilar. Taom esa xuddi tegilmagandek oʻsha holicha qoldi. Soʻng u zot bir idish soʻradilar, ular qonguncha ichdilar, ichimlik esa xuddi ichilmagandek oʻsha holicha qoldi. Soʻng u zot: «Ey Abdulmuttalib oʻgʻillari, men sizlarga xos va butun odamlarga umumiy qilib yuborildim. Siz bu belgidan koʻrganingizni koʻrdingiz. Qaysingiz men bilan akam va sohibim boʻlishga baypuchlashadi?», dedilar. Hech kim u zotga qarab turmadi. Men esa turdim, holbuki men jamoaning eng kichigi edim. U zot: «Oʻtir», dedilar. Buni uch marta aytdilar, har safar men u zotga turardim, u zot esa menga: «Oʻtir», derdilar. Nihoyat uchinchisida u zot qoʻllarini mening qoʻlimga urdilar.Али (розияллоҳу анҳу)дан ривоят қилинади: Расулуллоҳ ﷺ Абдулмутталиб ўғилларини йиғдилар ёки чақирдилар. Улар орасида бир неча кишилар бор эди, уларнинг ҳар бири ёш қўйни еб, кўп сув ича оларди. У зот улар учун бир мудд таом тайёрладилар, улар тўйгунларича едилар. Таом эса худди тегилмагандек ўша ҳолича қолди. Сўнг у зот бир идиш сўрадилар, улар қонгунча ичдилар, ичимлик эса худди ичилмагандек ўша ҳолича қолди. Сўнг у зот: «Эй Абдулмутталиб ўғиллари, мен сизларга хос ва бутун одамларга умумий қилиб юборилдим. Сиз бу белгидан кўрганингизни кўрдингиз. Қайсингиз мен билан акам ва соҳибим бўлишга байпучлашади?», дедилар. Ҳеч ким у зотга қараб турмади. Мен эса турдим, ҳолбуки мен жамоанинг энг кичиги эдим. У зот: «Ўтир», дедилар. Буни уч марта айтдилар, ҳар сафар мен у зотга турардим, у зот эса менга: «Ўтир», дердилар. Ниҳоят учинчисида у зот қўлларини менинг қўлимга урдилар.