Abu Abdurrahmon al-Hubuliy aytdi: Biz dengizda edik, ustimizdan Abdulloh ibn Qays al-Fazoriy amir edi va biz bilan birga Abu Ayyub al-Ansoriy (roziyallohu anhu) bor edi. U oʻljalarni taqsimlovchining oldidan oʻtdi, u asirlarni saf qilib turgan edi. Qarasa, bir ayol yigʻlayapti. U: «Bunga nima boʻldi?» dedi. Ular: «Uning bilan bolasining orasini ajratishdi», deyishdi. Shunda u bolasining qoʻlidan ushlab, uni onasining qoʻliga topshirdi. Taqsimlovchi Abdulloh ibn Qaysning oldiga borib, unga xabar berdi. U Abu Ayyubga odam yuborib: «Seni bu ishga nima undadi?» dedi. U: Men Rasululloh ﷺning: «Kim ona bilan uning farzandi orasini ajratsa, Alloh qiyomat kunida uning bilan suyganlari orasini ajratur», deganlarini eshitdim, dedi.Абу Абдурраҳмон ал-Ҳубулий айтди: Биз денгизда эдик, устимиздан Абдуллоҳ ибн Қайс ал-Фазорий амир эди ва биз билан бирга Абу Айюб ал-Ансорий (розияллоҳу анҳу) бор эди. У ўлжаларни тақсимловчининг олдидан ўтди, у асирларни саф қилиб турган эди. Қараса, бир аёл йиғлаяпти. У: «Бунга нима бўлди?» деди. Улар: «Унинг билан боласининг орасини ажратишди», дейишди. Шунда у боласининг қўлидан ушлаб, уни онасининг қўлига топширди. Тақсимловчи Абдуллоҳ ибн Қайснинг олдига бориб, унга хабар берди. У Абу Айюбга одам юбориб: «Сени бу ишга нима ундади?» деди. У: Мен Расулуллоҳ ﷺнинг: «Ким она билан унинг фарзанди орасини ажратса, Аллоҳ қиёмат кунида унинг билан суйганлари орасини ажратур», деганларини эшитдим, деди.