Usoma ibn Zayd (roziyallohu anhumo)dan rivoyat qilinadi: Unga: «Ana shu kishining huzuriga kirib, u bilan gaplashmaysanmi?» — deyildi. Shunda u: «Men u bilan faqat sizlarga eshittirish uchungina gaplashaman, deb oʻylaysizlarmi? Vallohi, men u bilan oʻzim bilan uning oramizda gaplashdim, biroq men birinchi boʻlib ochishni yoqtirmaydigan bir ishni ochmadim. Hamda men Rasululloh ﷺning shunday deganlarini eshitganimdan keyin, ustimga amir boʻlgan birov haqida: ‹U odamlarning eng yaxshisi›, — demayman», dedi: «Qiyomat kuni bir kishi keltirilib, doʻzaxga tashlanadi. Bas, uning qorni ichaklari toʻkilib chiqadi va u, eshak tegirmonni aylantirgani kabi, ular bilan doʻzaxda aylanaveradi. Shunda doʻzax ahli uning oldiga toʻplanib: ‹Ey falonchi, sen bizni yaxshilikka buyurib, yomonlikdan qaytarmasmiding?› — deydilar. U esa: ‹Ha, men yaxshilikka buyurardim, lekin oʻzim qilmas edim; yomonlikdan qaytarardim, lekin oʻzim qilardim›, — deydi», — dedilar.Усома ибн Зайд (розияллоҳу анҳумо)дан ривоят қилинади: Унга: «Ана шу кишининг ҳузурига кириб, у билан гаплашмайсанми?» — дейилди. Шунда у: «Мен у билан фақат сизларга эшиттириш учунгина гаплашаман, деб ўйлайсизларми? Валлоҳи, мен у билан ўзим билан унинг орамизда гаплашдим, бироқ мен биринчи бўлиб очишни ёқтирмайдиган бир ишни очмадим. Ҳамда мен Расулуллоҳ ﷺнинг шундай деганларини эшитганимдан кейин, устимга амир бўлган биров ҳақида: ‹У одамларнинг энг яхшиси›, — демайман», деди: «Қиёмат куни бир киши келтирилиб, дўзахга ташланади. Бас, унинг қорни ичаклари тўкилиб чиқади ва у, эшак тегирмонни айлантиргани каби, улар билан дўзахда айланаверади. Шунда дўзах аҳли унинг олдига тўпланиб: ‹Эй фалончи, сен бизни яхшиликка буюриб, ёмонликдан қайтармасмидинг?› — дейдилар. У эса: ‹Ҳа, мен яхшиликка буюрардим, лекин ўзим қилмас эдим; ёмонликдан қайтарардим, лекин ўзим қилардим›, — дейди», — дедилар.