Abush-Shaʼso aytdi: Men haj qilgani chiqdim va kelib Baytga kirdim. Ikki ustun orasiga yetganimda, oldinga oʻtib devorga yopishdim. Shunda Ibn Umar kelib, yonimda toʻrt rakaat namoz oʻqidi. Namozni oʻqib boʻlgach, men undan: «Rasululloh ﷺ Baytning qayerida namoz oʻqiganlar?» deb soʻradim. U: «Menga Usoma ibn Zayd u zot mana shu yerda namoz oʻqiganlarini xabar berdi», dedi. Men: «Necha rakaat oʻqiganlar?» dedim. U: «Mana shu haqda men oʻzimni malomat qilaman: men u bilan uzoq umr birga boʻldim, undan u zot necha rakaat oʻqiganlarini soʻramabman», dedi. Soʻng keyingi yili haj qildim va kelib oʻsha joyda turdim. Shunda Ibn Zubayr kelib yonimda turdi va meni siqib, oʻsha joydan chiqarib yuborguncha qisaverdi, keyin oʻsha joyda toʻrt rakaat namoz oʻqidi.Абуш-Шаъсо айтди: Мен ҳаж қилгани чиқдим ва келиб Байтга кирдим. Икки устун орасига етганимда, олдинга ўтиб деворга ёпишдим. Шунда Ибн Умар келиб, ёнимда тўрт ракаат намоз ўқиди. Намозни ўқиб бўлгач, мен ундан: «Расулуллоҳ ﷺ Байтнинг қаерида намоз ўқиганлар?» деб сўрадим. У: «Менга Усома ибн Зайд у зот мана шу ерда намоз ўқиганларини хабар берди», деди. Мен: «Неча ракаат ўқиганлар?» дедим. У: «Мана шу ҳақда мен ўзимни маломат қиламан: мен у билан узоқ умр бирга бўлдим, ундан у зот неча ракаат ўқиганларини сўрамабман», деди. Сўнг кейинги йили ҳаж қилдим ва келиб ўша жойда турдим. Шунда Ибн Зубайр келиб ёнимда турди ва мени сиқиб, ўша жойдан чиқариб юборгунча қисаверди, кейин ўша жойда тўрт ракаат намоз ўқиди.