Abush-Shaʼso aytdi: Men haj qilgani chiqdim va Baytga kirdim. Ikki ustun oldiga yetganimda, oldinga oʻtib devorga yopishdim. Shunda Ibn Umar kelib, yonimda turdi va toʻrt rakaat namoz oʻqidi. Namozni oʻqib boʻlgach, men undan: «Rasululloh ﷺ Baytning qayerida namoz oʻqiganlar?» deb soʻradim. U: «Mana shu yerda. Menga Usoma ibn Zayd u zot namoz oʻqiganlarini xabar berdi», dedi. Men: «Necha rakaat oʻqiganlar?» dedim. U: «Mana shu haqda men oʻzimni malomat qilaman: men u bilan uzoq umr birga boʻldim, ammo undan u zot necha rakaat oʻqiganlarini soʻramabman», dedi. Keyingi yili men yana haj qilgani chiqdim va kelib, oʻsha joyda turdim. Shunda Ibn Zubayr kelib yonimda turdi va meni siqib, oʻsha joydan chiqarib yuborguncha qisaverdi, soʻng oʻsha joyda toʻrt rakaat namoz oʻqidi.Абуш-Шаъсо айтди: Мен ҳаж қилгани чиқдим ва Байтга кирдим. Икки устун олдига етганимда, олдинга ўтиб деворга ёпишдим. Шунда Ибн Умар келиб, ёнимда турди ва тўрт ракаат намоз ўқиди. Намозни ўқиб бўлгач, мен ундан: «Расулуллоҳ ﷺ Байтнинг қаерида намоз ўқиганлар?» деб сўрадим. У: «Мана шу ерда. Менга Усома ибн Зайд у зот намоз ўқиганларини хабар берди», деди. Мен: «Неча ракаат ўқиганлар?» дедим. У: «Мана шу ҳақда мен ўзимни маломат қиламан: мен у билан узоқ умр бирга бўлдим, аммо ундан у зот неча ракаат ўқиганларини сўрамабман», деди. Кейинги йили мен яна ҳаж қилгани чиқдим ва келиб, ўша жойда турдим. Шунда Ибн Зубайр келиб ёнимда турди ва мени сиқиб, ўша жойдан чиқариб юборгунча қисаверди, сўнг ўша жойда тўрт ракаат намоз ўқиди.