حَدَّثَنَا يَحْيَى بْنُ سَعِيدٍ حَدَّثَنَا شُعْبَةُ عَنْ قَتَادَةَ حَدَّثَنَا غَيْلَانُ بْنُ جَرِيرٍ عَنْ عَبْدِ اللَّهِ بْنِ مَعْبَدٍ الزِّمَّانِيِّ عَنْ أَبِي قَتَادَةَ قَالَ شُعْبَةُ قُلْتُ لِغَيْلَانَ الْأَنْصَارِيِّ فَقَالَ بِرَأْسِهِ أَيْ نَعَمْأَنَّ رَجُلًا سَأَلَ النَّبِيَّ صَلَّى اللَّهُ عَلَيْهِ وَسَلَّمَ عَنْ صَوْمِهِ فَغَضِبَ فَقَالَ عُمَرُ رَضِيتُ أَوْ قَالَ رَضِينَا بِاللَّهِ رَبًّا وَبِالْإِسْلَامِ دِينًا قَالَ وَلَا أَعْلَمُهُ إِلَّا قَدْ قَالَ وَبِمُحَمَّدٍ رَسُولًا وَبِبَيْعَتِنَا بَيْعَةً قَالَ فَقَامَ عُمَرُ أَوْ رَجُلٌ آخَرُ فَقَالَ يَا رَسُولَ اللَّهِ رَجُلٌ صَامَ الْأَبَدَ قَالَ لَا صَامَ وَلَا أَفْطَرَ أَوْ مَا صَامَ وَمَا أَفْطَرَ قَالَ صَوْمُ يَوْمَيْنِ وَإِفْطَارُ يَوْمٍ قَالَ وَمَنْ يُطِيقُ ذَلِكَ قَالَ إِفْطَارُ يَوْمَيْنِ وَصَوْمُ يَوْمٍ قَالَ لَيْتَ اللَّهَ عَزَّ وَجَلَّ قَوَّانَا لِذَلِكَ قَالَ صَوْمُ يَوْمٍ وَإِفْطَارُ يَوْمٍ قَالَ ذَاكَ صَوْمُ أَخِي دَاوُدَ قَالَ صَوْمُ الِاثْنَيْنِ وَالْخَمِيسِ قَالَ ذَاكَ يَوْمٌ وُلِدْتُ فِيهِ وَأُنْزِلَ عَلَيَّ فِيهِ قَالَ صَوْمُ ثَلَاثَةِ أَيَّامٍ مِنْ كُلِّ شَهْرٍ وَرَمَضَانَ إِلَى رَمَضَانَ صَوْمُ الدَّهْرِ وَإِفْطَارُهُ قَالَ صَوْمُ يَوْمِ عَرَفَةَ قَالَ يُكَفِّرُ السَّنَةَ الْمَاضِيَةَ وَالْبَاقِيَةَ قَالَ صَوْمُ يَوْمِ عَاشُورَاءَ قَالَ يُكَفِّرُ السَّنَةَ الْمَاضِيَةَ
Shuʼba aytdi: Men Gʻaylonga: ‹al-Ansoriymi?› dedim, u boshi bilan: ‹Ha›, (deb ishora qildi). Bir kishi Nabiy ﷺ dan u zotning roʻzalari toʻgʻrisida soʻradi, shunda u zot gʻazablandilar. Umar: «Allohni Rabb deb, Islomni din deb rozi boʻldim» — yoki: «rozi boʻldik» — dedi. (Rovi) dedi: Bilishimcha, u: «Muhammadni Rasul deb, oʻz bayʼatimizni bayʼat deb (rozi boʻldik)», ham degan. Soʻng Umar yoki boshqa bir kishi turib: «Yo Rasululloh, butun umr roʻza tutgan kishi (haqida nima deysiz)?» dedi. U zot: «Roʻza ham tutmadi, iftor ham qilmadi», yoki: «Roʻza ham tutgani yoʻq, iftor ham qilgani yoʻq», dedilar. U: «Ikki kun roʻza tutib, bir kun iftor qilish (haqida)?» dedi. U zot: «Bunga kimning kuchi yetadi?» dedilar. U: «Ikki kun iftor qilib, bir kun roʻza tutish (haqida)?» dedi. U zot: «Qaniydi, aziz va ulugʻ Alloh bizga buning uchun kuch-quvvat ato qilsa», dedilar. U: «Bir kun roʻza tutib, bir kun iftor qilish (haqida)?» dedi. U zot: «Bu — birodarim Dovudning roʻzasidir», dedilar. U: «Dushanba va payshanba roʻzasi (haqida)?» dedi. U zot: «Bu — men tugʻilgan va menga (vahiy) nozil qilingan kundir», dedilar. U: «Har oydan uch kun roʻza va Ramazondan Ramazongacha (roʻza)?» (dedi). U zot: «(Bu) butun yil roʻza tutish va iftor qilishdir», (dedilar). U: «Arafa kuni roʻzasi (haqida)?» dedi. U zot: «(Bu) oʻtgan va qolgan yilning (gunohlariga) kafforat boʻladi», dedilar. U: «Oshuro kuni roʻzasi (haqida)?» dedi. U zot: «(Bu) oʻtgan yilning (gunohlariga) kafforat boʻladi», dedilar.Шуъба айтди: Мен Ғайлонга: ‹ал-Ансорийми?› дедим, у боши билан: ‹Ҳа›, (деб ишора қилди). Бир киши Набий ﷺ дан у зотнинг рўзалари тўғрисида сўради, шунда у зот ғазабландилар. Умар: «Аллоҳни Рабб деб, Исломни дин деб рози бўлдим» — ёки: «рози бўлдик» — деди. (Рови) деди: Билишимча, у: «Муҳаммадни Расул деб, ўз байъатимизни байъат деб (рози бўлдик)», ҳам деган. Сўнг Умар ёки бошқа бир киши туриб: «Ё Расулуллоҳ, бутун умр рўза тутган киши (ҳақида нима дейсиз)?» деди. У зот: «Рўза ҳам тутмади, ифтор ҳам қилмади», ёки: «Рўза ҳам тутгани йўқ, ифтор ҳам қилгани йўқ», дедилар. У: «Икки кун рўза тутиб, бир кун ифтор қилиш (ҳақида)?» деди. У зот: «Бунга кимнинг кучи етади?» дедилар. У: «Икки кун ифтор қилиб, бир кун рўза тутиш (ҳақида)?» деди. У зот: «Қанийди, азиз ва улуғ Аллоҳ бизга бунинг учун куч-қувват ато қилса», дедилар. У: «Бир кун рўза тутиб, бир кун ифтор қилиш (ҳақида)?» деди. У зот: «Бу — биродарим Довуднинг рўзасидир», дедилар. У: «Душанба ва пайшанба рўзаси (ҳақида)?» деди. У зот: «Бу — мен туғилган ва менга (ваҳий) нозил қилинган кундир», дедилар. У: «Ҳар ойдан уч кун рўза ва Рамазондан Рамазонгача (рўза)?» (деди). У зот: «(Бу) бутун йил рўза тутиш ва ифтор қилишдир», (дедилар). У: «Арафа куни рўзаси (ҳақида)?» деди. У зот: «(Бу) ўтган ва қолган йилнинг (гуноҳларига) каффорат бўлади», дедилар. У: «Ошуро куни рўзаси (ҳақида)?» деди. У зот: «(Бу) ўтган йилнинг (гуноҳларига) каффорат бўлади», дедилар.