Burayda (roziyallohu anhu)dan rivoyat qilinadi: Rasululloh ﷺ masjidga kirdilar va qoʻlimdan ushladilar, men u zot bilan birga kirdim. Shunda bir kishi (Qurʼon) oʻqib, namoz oʻqiyotgan edi. U zot: «Bunga Dovud xonadonining naylaridan bir nay ato etilgan ekan», dedilar. Qarasam, u Abdulloh ibn Qays Abu Muso al-Ashʼariy ekan. Men: «Ey Allohning Rasuli, unga (buni) xabar beraymi?» dedim. (U zot ruxsat berdilar,) men unga xabar berdim. Shunda u: «Sen menga doim doʻst boʻlib kelgansan», dedi.Бурайда (розияллоҳу анҳу)дан ривоят қилинади: Расулуллоҳ ﷺ масжидга кирдилар ва қўлимдан ушладилар, мен у зот билан бирга кирдим. Шунда бир киши (Қуръон) ўқиб, намоз ўқиётган эди. У зот: «Бунга Довуд хонадонининг найларидан бир най ато этилган экан», дедилар. Қарасам, у Абдуллоҳ ибн Қайс Абу Мусо ал-Ашъарий экан. Мен: «Эй Аллоҳнинг Расули, унга (буни) хабар берайми?» дедим. (У зот рухсат бердилар,) мен унга хабар бердим. Шунда у: «Сен менга доим дўст бўлиб келгансан», деди.