حَدَّثَنَا أَبُو سَلَمَةَ يُوسُفُ بْنُ يَعْقُوبَ الْمَاجِشُونُ عَنْ صَالِحِ بْنِ إِبْرَاهِيمَ بْنِ عَبْدِ الرَّحْمَنِ بْنِ عَوْفٍ عَنْ أَبِيهِ عَنْ جَدِّهِ عَبْدِ الرَّحْمَنِ بْنِ عَوْفٍ أَنَّهُ قَالَإِنِّي لَوَاقِفٌ يَوْمَ بَدْرٍ فِي الصَّفِّ نَظَرْتُ عَنْ يَمِينِي وَعَنْ شِمَالِي فَإِذَا أَنَا بَيْنَ غُلَامَيْنِ مِنْ الْأَنْصَارِ حَدِيثَةٍ أَسْنَانُهُمَا تَمَنَّيْتُ لَوْ كُنْتُ بَيْنَ أَضْلَعَ مِنْهُمَا فَغَمَزَنِي أَحَدُهُمَا فَقَالَ يَا عَمِّ هَلْ تَعْرِفُ أَبَا جَهْلٍ قَالَ قُلْتُ نَعَمْ وَمَا حَاجَتُكَ يَا ابْنَ أَخِي قَالَ بَلَغَنِي أَنَّهُ سَبَّ رَسُولَ اللَّهِ صَلَّى اللَّهُ عَلَيْهِ وَسَلَّمَ وَالَّذِي نَفْسِي بِيَدِهِ لَوْ رَأَيْتُهُ لَمْ يُفَارِقْ سَوَادِي سَوَادَهُ حَتَّى يَمُوتَ الْأَعْجَلُ مِنَّا قَالَ فَغَمَزَنِي الْآخَرُ فَقَالَ لِي مِثْلَهَا قَالَ فَتَعَجَّبْتُ لِذَلِكَ قَالَ فَلَمْ أَنْشَبْ أَنْ نَظَرْتُ إِلَى أَبِي جَهْلٍ يَجُولُ فِي النَّاسِ فَقُلْتُ لَهُمَا أَلَا تَرَيَانِ هَذَا صَاحِبُكُمَا الَّذِي تَسْأَلَانِ عَنْهُ فَابْتَدَرَاهُ فَاسْتَقْبَلَهُمَا فَضَرَبَاهُ حَتَّى قَتَلَاهُ ثُمَّ انْصَرَفَا إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَأَخْبَرَاهُ فَقَالَ أَيُّكُمَا قَتَلَهُ فَقَالَ كُلُّ وَاحِدٍ مِنْهُمَا أَنَا قَتَلْتُهُ قَالَ هَلْ مَسَحْتُمَا سَيْفَيْكُمَا قَالَا لَا فَنَظَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي السَّيْفَيْنِ فَقَالَ كِلَاكُمَا قَتَلَهُ وَقَضَى بِسَلَبِهِ لِمُعَاذِ بْنِ عَمْرِو بْنِ الْجَمُوحِ وَهُمَا مُعَاذُ بْنُ عَمْرِو بْنِ الْجَمُوحِ وَمُعَاذُ ابْنُ عَفْرَاءَ
Abdurrahmon ibn Avf (roziyallohu anhu)dan rivoyat qilinadi: U shunday dedi: Badr kuni men safda turgan edim. Oʻngu soʻlimga qaradim-da, oʻzimni ansorlardan boʻlgan, yoshlari kichik ikki yigit orasida koʻrdim. Bulardan koʻra bardamroq (kishilar) orasida boʻlishni istab qoldim. Shunda ulardan biri meni turtib: «Ey amaki, sen Abu Jahlni taniysanmi?» dedi. Men: «Ha, sening unga nima ishing bor, ey jiyanim?» dedim. U: «Menga uning Rasululloh ﷺni soʻkayotgani xabari yetdi. Jonim qoʻlida boʻlgan Zot bilan qasamki, agar uni koʻrsam, ikkimizdan (ajali) yaqinrogʻi oʻlmaguncha, mening gavdam uning gavdasidan ajralmaydi», dedi. Soʻng ikkinchisi ham meni turtib, xuddi shunday dedi. Men bunga hayron qoldim. Koʻp oʻtmay Abu Jahlning odamlar orasida yurganini koʻrib qoldim va ularga: «Mana bu — siz soʻrayotgan sherigingiz, koʻrmayapsizlarmi?» dedim. Ular unga tomon otildilar, u ham ularga yuzlandi. Ular uni urib, oʻldirdilar. Soʻng Rasululloh ﷺning huzurlariga qaytib, xabar berdilar. U zot: «Ikkovingdan qaysingiz uni oʻldirding?» dedilar. Ularning har biri: «Men oʻldirdim», dedi. U zot: «Qilichlaringizni artdingizmi?» dedilar. Ular: «Yoʻq», dedilar. Rasululloh ﷺ ikkala qilichga qarab: «Ikkovingiz ham uni oʻldiribsiz», dedilar va uning (jangdagi) buyumlarini Muoz ibn Amr ibnul-Jamuhga hukm qildilar. Bu ikkovi — Muoz ibn Amr ibnul-Jamuh va Muoz ibn Afro edi.Абдурраҳмон ибн Авф (розияллоҳу анҳу)дан ривоят қилинади: У шундай деди: Бадр куни мен сафда турган эдим. Ўнгу сўлимга қарадим-да, ўзимни ансорлардан бўлган, ёшлари кичик икки йигит орасида кўрдим. Булардан кўра бардамроқ (кишилар) орасида бўлишни истаб қолдим. Шунда улардан бири мени туртиб: «Эй амаки, сен Абу Жаҳлни танийсанми?» деди. Мен: «Ҳа, сенинг унга нима ишинг бор, эй жияним?» дедим. У: «Менга унинг Расулуллоҳ ﷺни сўкаётгани хабари етди. Жоним қўлида бўлган Зот билан қасамки, агар уни кўрсам, иккимиздан (ажали) яқинроғи ўлмагунча, менинг гавдам унинг гавдасидан ажралмайди», деди. Сўнг иккинчиси ҳам мени туртиб, худди шундай деди. Мен бунга ҳайрон қолдим. Кўп ўтмай Абу Жаҳлнинг одамлар орасида юрганини кўриб қолдим ва уларга: «Мана бу — сиз сўраётган шеригингиз, кўрмаяпсизларми?» дедим. Улар унга томон отилдилар, у ҳам уларга юзланди. Улар уни уриб, ўлдирдилар. Сўнг Расулуллоҳ ﷺнинг ҳузурларига қайтиб, хабар бердилар. У зот: «Икковингдан қайсингиз уни ўлдирдинг?» дедилар. Уларнинг ҳар бири: «Мен ўлдирдим», деди. У зот: «Қиличларингизни артдингизми?» дедилар. Улар: «Йўқ», дедилар. Расулуллоҳ ﷺ иккала қиличга қараб: «Икковингиз ҳам уни ўлдирибсиз», дедилар ва унинг (жангдаги) буюмларини Муоз ибн Амр ибнул-Жамуҳга ҳукм қилдилар. Бу иккови — Муоз ибн Амр ибнул-Жамуҳ ва Муоз ибн Афро эди.