Abdulloh ibn Shaqiq aytadi: Men Oisha (roziyallohu anho)dan Rasululloh ﷺning nafl namozlari haqida soʻradim. Shunda u: «U zot peshindan oldin uyimda toʻrt rakaat oʻqir, soʻng chiqib odamlarga (imom boʻlib) namoz oʻqir, soʻng uyimga qaytib ikki rakaat oʻqir edilar. Shomni odamlarga oʻqir, soʻng uylariga qaytib ikki rakaat oʻqir edilar. Xuftonni ularga oʻqir, soʻng uyimga kirib ikki rakaat oʻqir edilar. Kechasi toʻqqiz rakaat oʻqir, ularning ichida vitr ham bor edi. Kechasi uzoq vaqt tik turib, kechasi uzoq vaqt oʻtirib oʻqir edilar. Tik turib qiroat qilsalar, tik turgan holda ruku va sajda qilar, oʻtirib qiroat qilsalar, oʻtirgan holda ruku va sajda qilar edilar. Tong otganda ikki rakaat oʻqir, soʻng chiqib odamlarga bomdod namozini oʻqir edilar», dedi.Абдуллоҳ ибн Шақиқ айтади: Мен Оиша (розияллоҳу анҳо)дан Расулуллоҳ ﷺнинг нафл намозлари ҳақида сўрадим. Шунда у: «У зот пешиндан олдин уйимда тўрт ракаат ўқир, сўнг чиқиб одамларга (имом бўлиб) намоз ўқир, сўнг уйимга қайтиб икки ракаат ўқир эдилар. Шомни одамларга ўқир, сўнг уйларига қайтиб икки ракаат ўқир эдилар. Хуфтонни уларга ўқир, сўнг уйимга кириб икки ракаат ўқир эдилар. Кечаси тўққиз ракаат ўқир, уларнинг ичида витр ҳам бор эди. Кечаси узоқ вақт тик туриб, кечаси узоқ вақт ўтириб ўқир эдилар. Тик туриб қироат қилсалар, тик турган ҳолда руку ва сажда қилар, ўтириб қироат қилсалар, ўтирган ҳолда руку ва сажда қилар эдилар. Тонг отганда икки ракаат ўқир, сўнг чиқиб одамларга бомдод намозини ўқир эдилар», деди.