Oisha (roziyallohu anho) aytdi: Rasululloh ﷺ mening uyimda, mening kunimda, koʻksim bilan boʻgʻzim orasida vafot etdilar. Abdurrahmon ibn Abu Bakr qoʻlida yangi (yumshoq) misvok bilan kirdi; u zot unga qaradilar, men u zotning unga ehtiyoji borligini angladim. (Oisha) aytdi: Men uni olib chaynadim, qoqdim va tozaladim, soʻng uni u zotga uzatdim. U zot u bilan shunday misvok qildilarki, men u zotning bundan goʻzalroq misvok qilganlarini hech koʻrmagan edim. Soʻng uni menga uzatmoqchi boʻldilar-u, u qoʻllaridan tushib ketdi. Men Allohga — Jibril alayhissalom u zot uchun qiladigan va u zot oʻzlari kasal boʻlganlarida qiladigan duo bilan — duo qila boshladim; u zot bu kasalliklarida u (duo)ni qilmagan edilar. Shunda u zot koʻzlarini osmonga koʻtarib: «Oliy hamroh (bilan), oliy hamroh (bilan)», dedilar — yaʼni u zotning jonlari chiqdi. Dunyo kunlarining oxirgi kunida mening soʻlagim bilan u zotning soʻlaklarini birlashtirgan Allohga hamd boʻlsin.Оиша (розияллоҳу анҳо) айтди: Расулуллоҳ ﷺ менинг уйимда, менинг кунимда, кўксим билан бўғзим орасида вафот этдилар. Абдурраҳмон ибн Абу Бакр қўлида янги (юмшоқ) мисвок билан кирди; у зот унга қарадилар, мен у зотнинг унга эҳтиёжи борлигини англадим. (Оиша) айтди: Мен уни олиб чайнадим, қоқдим ва тозаладим, сўнг уни у зотга узатдим. У зот у билан шундай мисвок қилдиларки, мен у зотнинг бундан гўзалроқ мисвок қилганларини ҳеч кўрмаган эдим. Сўнг уни менга узатмоқчи бўлдилар-у, у қўлларидан тушиб кетди. Мен Аллоҳга — Жибрил алайҳиссалом у зот учун қиладиган ва у зот ўзлари касал бўлганларида қиладиган дуо билан — дуо қила бошладим; у зот бу касалликларида у (дуо)ни қилмаган эдилар. Шунда у зот кўзларини осмонга кўтариб: «Олий ҳамроҳ (билан), олий ҳамроҳ (билан)», дедилар — яъни у зотнинг жонлари чиқди. Дунё кунларининг охирги кунида менинг сўлагим билан у зотнинг сўлакларини бирлаштирган Аллоҳга ҳамд бўлсин.