حَدَّثَنَا يَحْيَى عَنْ إِسْمَاعِيلَ حَدَّثَنَا عَامِرٌ قَالَ أَتَى مَسْرُوقٌ عَائِشَةَ فَقَالَيَا أُمَّ الْمُؤْمِنِينَ هَلْ رَأَى مُحَمَّدٌ صَلَّى اللَّهُ عَلَيْهِ وَسَلَّمَ رَبَّهُ قَالَتْ سُبْحَانَ اللَّهِ لَقَدْ قَفَّ شَعْرِي لِمَا قُلْتَ أَيْنَ أَنْتَ مِنْ ثَلَاثٍ مَنْ حَدَّثَكَهُنَّ فَقَدْ كَذَبَ مَنْ حَدَّثَكَ أَنَّ مُحَمَّدًا صَلَّى اللَّهُ عَلَيْهِ وَسَلَّمَ رَأَى رَبَّهُ فَقَدْ كَذَبَ ثُمَّ قَرَأَتْ {لَا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ} {وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ} وَمَنْ أَخْبَرَكَ بِمَا فِي غَدٍ فَقَدْ كَذَبَ ثُمَّ قَرَأَتْ {إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ} هَذِهِ الْآيَةَ وَمَنْ أَخْبَرَكَ أَنَّ مُحَمَّدًا صَلَّى اللَّهُ عَلَيْهِ وَسَلَّمَ كَتَمَ فَقَدْ كَذَبَ ثُمَّ قَرَأَتْ {يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ} وَلَكِنَّهُ رَأَى جِبْرِيلَ فِي صُورَتِهِ مَرَّتَيْنِ
(Masruq aytdi:) Men Oisha (roziyallohu anho)ning huzuriga kelib: «Ey moʻminlar onasi, Muhammad ﷺ oʻz Robbini koʻrganmilar?» dedim. U: «Subhanalloh! Sen aytgan (gap)dan tuklarim tikka boʻldi. Sen uchta (gap)dan qayerdasan — kim ularni senga aytsa, albatta yolgʻon aytdi. Kim senga Muhammad ﷺ oʻz Robbini koʻrgan deb aytsa, albatta yolgʻon aytdi», dedi va ‹Koʻzlar Uni ilgʻamas, U esa koʻzlarni ilgʻar›, ‹Hech bir basharga Allohning gapirishi — vahy orqali yoki parda ortidan boʻlmasa — (mumkin) emas› (oyatlarini) oʻqidi. «Kim senga ertaga nima boʻlishini xabar bersa, albatta yolgʻon aytdi», dedi va ‹Albatta, soat (qiyomat) ilmi Allohning huzuridadir; U yomgʻirni yogʻdiradi va bachadonlardagi narsani biladi› degan shu oyatni oʻqidi. «Kim senga Muhammad ﷺ (biror narsani) yashirgan deb aytsa, albatta yolgʻon aytdi», dedi va ‹Ey Rasul! Robbingdan senga nozil qilingan (narsa)ni yetkaz› (oyatini) oʻqidi. «Lekin u zot Jibrilni oʻz suratida ikki marta koʻrganlar», dedi.(Масруқ айтди:) Мен Оиша (розияллоҳу анҳо)нинг ҳузурига келиб: «Эй мўминлар онаси, Муҳаммад ﷺ ўз Роббини кўрганмилар?» дедим. У: «Субҳаналлоҳ! Сен айтган (гап)дан тукларим тикка бўлди. Сен учта (гап)дан қаердасан — ким уларни сенга айтса, албатта ёлғон айтди. Ким сенга Муҳаммад ﷺ ўз Роббини кўрган деб айтса, албатта ёлғон айтди», деди ва ‹Кўзлар Уни илғамас, У эса кўзларни илғар›, ‹Ҳеч бир башарга Аллоҳнинг гапириши — ваҳй орқали ёки парда ортидан бўлмаса — (мумкин) эмас› (оятларини) ўқиди. «Ким сенга эртага нима бўлишини хабар берса, албатта ёлғон айтди», деди ва ‹Албатта, соат (қиёмат) илми Аллоҳнинг ҳузуридадир; У ёмғирни ёғдиради ва бачадонлардаги нарсани билади› деган шу оятни ўқиди. «Ким сенга Муҳаммад ﷺ (бирор нарсани) яширган деб айтса, албатта ёлғон айтди», деди ва ‹Эй Расул! Роббингдан сенга нозил қилинган (нарса)ни етказ› (оятини) ўқиди. «Лекин у зот Жибрилни ўз суратида икки марта кўрганлар», деди.