Oisha ummul-muʼminin (roziyallohu anho) aytdi: Rasululloh ﷺ uxlab yotgan edilar, birdan uyqularida kulib yubordilar, soʻng uygʻondilar. Men: «Yo Rasululloh, nimadan kuldingiz?» dedim. U zot: «Albatta ummatimdan bir qavm Haramda panoh topgan Qurayshlik bir kishi (ni tutish) uchun mana shu Baytga qasd qiladilar. Baydoga yetganlarida esa yerga yutdiriladilar. Ularning holatlari har xil boʻladi, Alloh ularni niyatlariga koʻra tiriltiradi», dedilar. Men: «Ularning holatlari har xil boʻlsa, aziz va ulugʻ Alloh ularni qanday qilib niyatlariga koʻra tiriltiradi?» dedim. U zot: «Ularni yoʻl jamladi: ular orasida (maqsadini) bilib turgani ham, yoʻlovchi ham, majbur qilingani ham bor. Ular bir xil halokat bilan halok boʻladilar, ammo turli holatlarda qaytariladilar», dedilar.Оиша уммул-муъминин (розияллоҳу анҳо) айтди: Расулуллоҳ ﷺ ухлаб ётган эдилар, бирдан уйқуларида кулиб юбордилар, сўнг уйғондилар. Мен: «Ё Расулуллоҳ, нимадан кулдингиз?» дедим. У зот: «Албатта умматимдан бир қавм Ҳарамда паноҳ топган Қурайшлик бир киши (ни тутиш) учун мана шу Байтга қасд қиладилар. Байдога етганларида эса ерга ютдириладилар. Уларнинг ҳолатлари ҳар хил бўлади, Аллоҳ уларни ниятларига кўра тирилтиради», дедилар. Мен: «Уларнинг ҳолатлари ҳар хил бўлса, азиз ва улуғ Аллоҳ уларни қандай қилиб ниятларига кўра тирилтиради?» дедим. У зот: «Уларни йўл жамлади: улар орасида (мақсадини) билиб тургани ҳам, йўловчи ҳам, мажбур қилингани ҳам бор. Улар бир хил ҳалокат билан ҳалок бўладилар, аммо турли ҳолатларда қайтариладилар», дедилар.