Oisha (roziyallohu anho)dan rivoyat qilinadi: Ummu Sunbula Rasululloh ﷺga sut hadya qilib keldi, ammo u zotni topmadi. Men unga: «Rasululloh ﷺ aʼrobiylarning taomini yeyishdan qaytarganlar», dedim. Shunda Rasululloh ﷺ va Abu Bakr kirib keldilar. U zot: «Ey Ummu Sunbula, yoningdagi bu nima?» dedilar. U: «Sizga hadya qilgan sutim, ey Allohning Rasuli», dedi. U zot: «Quy, ey Ummu Sunbula», dedilar; u quydi. U zot: «Abu Bakrga uzat», dedilar; u shunday qildi. Soʻng: «Quy, ey Ummu Sunbula», dedilar; u quydi va Rasululloh ﷺga uzatdi, u zot ichdilar. Oisha aytdi: Rasululloh ﷺ sutdan ichib turganlarida men: «Ey Allohning Rasuli, u jigarga eng salqin narsa-ku! Menga siz aʼrobiylarning taomidan qaytargansiz, deb aytilgan edi», dedim. U zot: «Ey Oisha, ular aʼrobiylar emas. Ular bizning badiya ahlimiz, biz esa ularning shahar ahlimiz. Chaqirilsalar, javob beradilar; bas, ular aʼrobiy emaslar», dedilar.Оиша (розияллоҳу анҳо)дан ривоят қилинади: Умму Сунбула Расулуллоҳ ﷺга сут ҳадя қилиб келди, аммо у зотни топмади. Мен унга: «Расулуллоҳ ﷺ аъробийларнинг таомини ейишдан қайтарганлар», дедим. Шунда Расулуллоҳ ﷺ ва Абу Бакр кириб келдилар. У зот: «Эй Умму Сунбула, ёнингдаги бу нима?» дедилар. У: «Сизга ҳадя қилган сутим, эй Аллоҳнинг Расули», деди. У зот: «Қуй, эй Умму Сунбула», дедилар; у қуйди. У зот: «Абу Бакрга узат», дедилар; у шундай қилди. Сўнг: «Қуй, эй Умму Сунбула», дедилар; у қуйди ва Расулуллоҳ ﷺга узатди, у зот ичдилар. Оиша айтди: Расулуллоҳ ﷺ сутдан ичиб турганларида мен: «Эй Аллоҳнинг Расули, у жигарга энг салқин нарса-ку! Менга сиз аъробийларнинг таомидан қайтаргансиз, деб айтилган эди», дедим. У зот: «Эй Оиша, улар аъробийлар эмас. Улар бизнинг бадия аҳлимиз, биз эса уларнинг шаҳар аҳлимиз. Чақирилсалар, жавоб берадилар; бас, улар аъробий эмаслар», дедилар.