Oisha (roziyallohu anho) dedi: Bir kishi Nabiy ﷺ ning huzurlariga kirishga izn soʻradi. Shunda u zot: «Qabilaning yomon farzandi (keldi)», dedilar. U kirgach esa, Rasululloh ﷺ unga ochiq yuz bilan muomala qilib, u bilan muloyim soʻzlashdilar. Soʻng u chiqib ketdi. Keyin boshqa bir kishi izn soʻradi; Nabiy ﷺ: «Qabilaning yaxshi farzandi (keldi)», dedilar. U kirganda esa, u zot avvalgisiga qilganchalik muloyimlik qilmadilar va unga koʻrsatganchalik ochiq yuz koʻrsatmadilar. U chiqib ketgach, men: «Yo Rasululloh, falonchi izn soʻraganda unga aytganingizni aytdingiz, soʻng unga ochiq yuz bilan muomala qilib, muloyim soʻzlashdingiz; falonchi haqida esa aytganingizni aytdingiz-u, unga avvalgisiga qilganingizdek qilganingizni koʻrmadim», dedim. Shunda u zot: «Ey Oisha, odamlarning eng yomonlaridan — yomon (qoʻpol) soʻzidan qoʻrqib, undan saqlanadigan kishidir», dedilar.Оиша (розияллоҳу анҳо) деди: Бир киши Набий ﷺ нинг ҳузурларига киришга изн сўради. Шунда у зот: «Қабиланинг ёмон фарзанди (келди)», дедилар. У киргач эса, Расулуллоҳ ﷺ унга очиқ юз билан муомала қилиб, у билан мулойим сўзлашдилар. Сўнг у чиқиб кетди. Кейин бошқа бир киши изн сўради; Набий ﷺ: «Қабиланинг яхши фарзанди (келди)», дедилар. У кирганда эса, у зот аввалгисига қилганчалик мулойимлик қилмадилар ва унга кўрсатганчалик очиқ юз кўрсатмадилар. У чиқиб кетгач, мен: «Ё Расулуллоҳ, фалончи изн сўраганда унга айтганингизни айтдингиз, сўнг унга очиқ юз билан муомала қилиб, мулойим сўзлашдингиз; фалончи ҳақида эса айтганингизни айтдингиз-у, унга аввалгисига қилганингиздек қилганингизни кўрмадим», дедим. Шунда у зот: «Эй Оиша, одамларнинг энг ёмонларидан — ёмон (қўпол) сўзидан қўрқиб, ундан сақланадиган кишидир», дедилар.