Oisha (roziyallohu anho)dan rivoyat qilinadi: Rasululloh ﷺ: «Alloh azza va jalla huzurida devonlar uchtadir: bir devon — Alloh unga hech eʼtibor bermaydi, bir devon — Alloh undan hech narsani tark etmaydi va bir devon — Alloh uni magʻfirat qilmaydi. Alloh magʻfirat qilmaydigan devon — Allohga shirk keltirishdir. Alloh azza va jalla: {Albatta, kim Allohga shirk keltirsa, Alloh unga jannatni harom qilibdi}, dedi. Alloh hech eʼtibor bermaydigan devon — bandaning oʻzi bilan Robbisi orasidagi ishlarda oʻziga zulm qilishi: tark etgan bir kunlik roʻzasi yoki tark etgan namozidir. Albatta, Alloh azza va jalla buni magʻfirat qiladi va xohlasa kechib yuboradi. Alloh undan hech narsani tark etmaydigan devon esa — bandalarning bir-biriga qilgan zulmi: qasos muqarrardir», dedilar.Оиша (розияллоҳу анҳо)дан ривоят қилинади: Расулуллоҳ ﷺ: «Аллоҳ азза ва жалла ҳузурида девонлар учтадир: бир девон — Аллоҳ унга ҳеч эътибор бермайди, бир девон — Аллоҳ ундан ҳеч нарсани тарк этмайди ва бир девон — Аллоҳ уни мағфират қилмайди. Аллоҳ мағфират қилмайдиган девон — Аллоҳга ширк келтиришдир. Аллоҳ азза ва жалла: {Албатта, ким Аллоҳга ширк келтирса, Аллоҳ унга жаннатни ҳаром қилибди}, деди. Аллоҳ ҳеч эътибор бермайдиган девон — банданинг ўзи билан Роббиси орасидаги ишларда ўзига зулм қилиши: тарк этган бир кунлик рўзаси ёки тарк этган намозидир. Албатта, Аллоҳ азза ва жалла буни мағфират қилади ва хоҳласа кечиб юборади. Аллоҳ ундан ҳеч нарсани тарк этмайдиган девон эса — бандаларнинг бир-бирига қилган зулми: қасос муқаррардир», дедилар.