Ummul-Fazl (roziyallohu anho)dan rivoyat qilinadi: «Men tushimda uyimda Rasululloh ﷺning aʼzolaridan bir aʼzo turgandek koʻrdim va bundan qoʻrqib ketdim. Soʻng Rasululloh ﷺning huzurlariga borib, buni u zotga aytdim. U zot: ‹Yaxshilik (koʻribsan): Fotima bir oʻgʻil tugʻadi, sen esa uni oʻgʻling Qusamning suti bilan emizasan›, dedilar. Fotima Hasanni tugʻdi, u menga berildi, men uni emizdim — toki u yura boshladi, yoki: uni sutdan ajratdim. Soʻng uni Rasululloh ﷺning huzurlariga olib keldim va u zotning bagʻirlariga oʻtqazdim, u siyib yubordi. Men uning kuraklari orasiga urdim. Shunda u zot: ‹Oʻgʻlimga muloyim boʻl, Alloh senga rahm qilsin — yoki: Alloh seni isloh qilsin — oʻgʻlimni ogʻritding›, dedilar. Men: ‹Yo Rasululloh, izoringizni yeching va boshqa kiyim kiying, men uni yuvay›, dedim. U zot: ‹Faqat qiz bolaning siydigi yuviladi, oʻgʻil bolaning siydigiga esa suv sepiladi›, dedilar», dedi.Уммул-Фазл (розияллоҳу анҳо)дан ривоят қилинади: «Мен тушимда уйимда Расулуллоҳ ﷺнинг аъзоларидан бир аъзо тургандек кўрдим ва бундан қўрқиб кетдим. Сўнг Расулуллоҳ ﷺнинг ҳузурларига бориб, буни у зотга айтдим. У зот: ‹Яхшилик (кўрибсан): Фотима бир ўғил туғади, сен эса уни ўғлинг Қусамнинг сути билан эмизасан›, дедилар. Фотима Ҳасанни туғди, у менга берилди, мен уни эмиздим — токи у юра бошлади, ёки: уни сутдан ажратдим. Сўнг уни Расулуллоҳ ﷺнинг ҳузурларига олиб келдим ва у зотнинг бағирларига ўтқаздим, у сийиб юборди. Мен унинг кураклари орасига урдим. Шунда у зот: ‹Ўғлимга мулойим бўл, Аллоҳ сенга раҳм қилсин — ёки: Аллоҳ сени ислоҳ қилсин — ўғлимни оғритдинг›, дедилар. Мен: ‹Ё Расулуллоҳ, изорингизни ечинг ва бошқа кийим кийинг, мен уни ювай›, дедим. У зот: ‹Фақат қиз боланинг сийдиги ювилади, ўғил боланинг сийдигига эса сув сепилади›, дедилар», деди.