Horisa ibn Muzarribdan rivoyat qilinadi: U aytdi: Men Xabbobning huzuriga kirdim, u yetti marta dogʻ bostirgan edi. U: «Agar Rasululloh ﷺning: ‹Sizlardan birortangiz oʻlimni tilamasin›, deganlarini eshitmaganimda edi, men uni tilagan boʻlardim. Men oʻzimni Rasululloh ﷺ bilan birga bir dirhamga ham ega boʻlmagan holda koʻrgan edim, hozir esa uyimning bir burchagida qirq ming dirham bor», dedi. Soʻng uning kafani keltirildi. Uni koʻrganida yigʻladi va: «Ammo Hamzaga chipor bir ridodan boshqa kafan topilmagan edi — u boshiga qoʻyilsa, oyoqlaridan qisqarib qolar, oyoqlariga qoʻyilsa, boshidan qisqarib qolar edi. Oxiri u boshiga tortildi, oyoqlari ustiga esa izxir qoʻyildi», dedi.Ҳориса ибн Музаррибдан ривоят қилинади: У айтди: Мен Хаббобнинг ҳузурига кирдим, у етти марта доғ бостирган эди. У: «Агар Расулуллоҳ ﷺнинг: ‹Сизлардан бирортангиз ўлимни тиламасин›, деганларини эшитмаганимда эди, мен уни тилаган бўлардим. Мен ўзимни Расулуллоҳ ﷺ билан бирга бир дирҳамга ҳам эга бўлмаган ҳолда кўрган эдим, ҳозир эса уйимнинг бир бурчагида қирқ минг дирҳам бор», деди. Сўнг унинг кафани келтирилди. Уни кўрганида йиғлади ва: «Аммо Ҳамзага чипор бир ридодан бошқа кафан топилмаган эди — у бошига қўйилса, оёқларидан қисқариб қолар, оёқларига қўйилса, бошидан қисқариб қолар эди. Охири у бошига тортилди, оёқлари устига эса изхир қўйилди», деди.