Ibn Abbos (roziyallohu anhumo)dan rivoyat qilinadi: Paygʻambar ﷺ: «Alloh Makkani haram (muqaddas joy) qildi — u mendan oldin ham haram edi va mendan keyin ham haram boʻladi. U (Makkada jang qilish) menga kunning faqat bir necha soatigagina halol qilindi. Hech kim uning tikanli butalarini yulmasin, daraxtlarini kesmasin, ovini (haydab) hurkitmasin va tashlandiq (topilgan) narsani — uni (elga) eʼlon qiladigan (topuvchi)dan boshqa — olmasin», — dedilar. Shunda Abbos (Paygʻambar ﷺ ga): «Izxir mustasno — chunki u zargarlarimiz va qabrlarimiz uchun (kerak)», — dedi. Bas, Paygʻambar ﷺ: «Izxir mustasno», — deb qoʻshdilar. Abu Hurayra rivoyat qildiki, Paygʻambar ﷺ: «Izxir — qabrlarimiz va uylarimiz uchun — mustasno», — dedilar. Ibn Abbos: «(Izxir) ularning zargarlari va uylari uchun (mustasno)», — dedi.Ибн Аббос (розияллоҳу анҳумо)дан ривоят қилинади: Пайғамбар ﷺ: «Аллоҳ Маккани ҳарам (муқаддас жой) қилди — у мендан олдин ҳам ҳарам эди ва мендан кейин ҳам ҳарам бўлади. У (Маккада жанг қилиш) менга куннинг фақат бир неча соатигагина ҳалол қилинди. Ҳеч ким унинг тиканли буталарини юлмасин, дарахтларини кесмасин, овини (ҳайдаб) ҳуркитмасин ва ташландиқ (топилган) нарсани — уни (элга) эълон қиладиган (топувчи)дан бошқа — олмасин», — дедилар. Шунда Аббос (Пайғамбар ﷺ га): «Изхир мустасно — чунки у заргарларимиз ва қабрларимиз учун (керак)», — деди. Бас, Пайғамбар ﷺ: «Изхир мустасно», — деб қўшдилар. Абу Ҳурайра ривоят қилдики, Пайғамбар ﷺ: «Изхир — қабрларимиз ва уйларимиз учун — мустасно», — дедилар. Ибн Аббос: «(Изхир) уларнинг заргарлари ва уйлари учун (мустасно)», — деди.