Ibn Abbos (roziyallohu anhumo)dan rivoyat qilinadi: Allohning Rasuli ﷺ: «Alloh Makkani haram qildi; u — mendan oldin ham hech kim uchun (unda jang qilish) joiz boʻlmagan va mendan keyin ham hech kim uchun joiz boʻlmaydi. Unda jang qilish menga (faqat) bir kunning bir necha soatigina halol qilindi. Hech kimga uning tikanli butalarini sugʻurish, daraxtlarini kesish, ovini hurkitish yoki luqtasini (topib olingan narsasini) olish — uni (elga) eʼlon qiluvchi (topuvchi)dan boshqaga — joiz emas», — dedilar. Abbos ibn Abdulmuttalib Paygʻambar ﷺ dan: «Izxir (oʻti)dan boshqa — chunki u bizning zargarlarimiz va uylarimizning tomlari uchun (kerak)», — deb iltimos qildi. Paygʻambar ﷺ: «Izxirdan boshqa», — dedilar. Ikrima: «‹Ovini hurkitish› nima ekanini bilasanmi? U — (ovni) soyadan haydab chiqarib, oʻz (joyiga) oʻtirish (degani)», — dedi. Xolid: «(Abbos:) ‹Izxir bizning zargarlarimiz va qabrlarimiz uchun›, — dedi», — dedi.Ибн Аббос (розияллоҳу анҳумо)дан ривоят қилинади: Аллоҳнинг Расули ﷺ: «Аллоҳ Маккани ҳарам қилди; у — мендан олдин ҳам ҳеч ким учун (унда жанг қилиш) жоиз бўлмаган ва мендан кейин ҳам ҳеч ким учун жоиз бўлмайди. Унда жанг қилиш менга (фақат) бир куннинг бир неча соатигина ҳалол қилинди. Ҳеч кимга унинг тиканли буталарини суғуриш, дарахтларини кесиш, овини ҳуркитиш ёки луқтасини (топиб олинган нарсасини) олиш — уни (элга) эълон қилувчи (топувчи)дан бошқага — жоиз эмас», — дедилар. Аббос ибн Абдулмутталиб Пайғамбар ﷺ дан: «Изхир (ўти)дан бошқа — чунки у бизнинг заргарларимиз ва уйларимизнинг томлари учун (керак)», — деб илтимос қилди. Пайғамбар ﷺ: «Изхирдан бошқа», — дедилар. Икрима: «‹Овини ҳуркитиш› нима эканини биласанми? У — (овни) соядан ҳайдаб чиқариб, ўз (жойига) ўтириш (дегани)», — деди. Холид: «(Аббос:) ‹Изхир бизнинг заргарларимиз ва қабрларимиз учун›, — деди», — деди.