Abu Said al-Xudriy (roziyallohu anhu)dan rivoyat qilinadi: Allohning Rasuli ﷺ bizga Dajjol haqida uzun rivoyat aytib berdilar va u zot zikr qilgan koʻp narsalar orasida shunday (soʻzlari) ham bor edi: «Dajjol keladi, lekin unga Madina darvozalaridan oʻtish taqiqlanadi. U Madina (tashqarisi)dagi baʼzi shoʻrxok (sahro) joylarga tushadi. Oʻsha kuni eng yaxshi kishi (yoki eng yaxshi kishilardan biri) uning oldiga kelib: ‹Men guvohlik beramanki, sen — Allohning Rasuli ﷺ bizga taʼrifini aytgan oʻsha Dajjolsan›, — deydi. Dajjol odamlarga: ‹Agar men bu kishini oʻldirib, soʻng uni qaytadan tiriltirsam, mening (daʼvomga) shubha qilasizmi?› — deydi. Ular: ‹Yoʻq›, — deydi. Soʻng Dajjol oʻsha kishini oʻldiradi va uni qaytadan tiriltiradi. Oʻsha kishi: ‹Endi men sening (asl) haqiqatingni avvalgidan koʻproq bildim›, — deydi. Dajjol: ‹Men uni (yana) oʻldirishni xohlayman, lekin (buni) qila olmayman›, — deydi», — dedilar.Абу Саид ал-Худрий (розияллоҳу анҳу)дан ривоят қилинади: Аллоҳнинг Расули ﷺ бизга Дажжол ҳақида узун ривоят айтиб бердилар ва у зот зикр қилган кўп нарсалар орасида шундай (сўзлари) ҳам бор эди: «Дажжол келади, лекин унга Мадина дарвозаларидан ўтиш тақиқланади. У Мадина (ташқариси)даги баъзи шўрхок (саҳро) жойларга тушади. Ўша куни энг яхши киши (ёки энг яхши кишилардан бири) унинг олдига келиб: ‹Мен гувоҳлик бераманки, сен — Аллоҳнинг Расули ﷺ бизга таърифини айтган ўша Дажжолсан›, — дейди. Дажжол одамларга: ‹Агар мен бу кишини ўлдириб, сўнг уни қайтадан тирилтирсам, менинг (даъвомга) шубҳа қиласизми?› — дейди. Улар: ‹Йўқ›, — дейди. Сўнг Дажжол ўша кишини ўлдиради ва уни қайтадан тирилтиради. Ўша киши: ‹Энди мен сенинг (асл) ҳақиқатингни аввалгидан кўпроқ билдим›, — дейди. Дажжол: ‹Мен уни (яна) ўлдиришни хоҳлайман, лекин (буни) қила олмайман›, — дейди», — дедилар.