Abu Hurayra (roziyallohu anhu)dan rivoyat qilinadi: Allohning Rasuli ﷺ: «Sizlardan biringizning jamoat (bilan oʻqigan) namozi — uning bozordagi yoki uyidagi namozidan — yigirma (besh yoki yigirma yetti) barobar (koʻproq) savobli(dir). Chunki u (kishi) tahoratini mukammal qilib, soʻng — faqat namoz niyatida, uni masjidga namozdan boshqa hech narsa undamagan holda — masjidga borsa, masjidga tomon tashlagan har bir qadami uchun unga bir daraja koʻtariladi yoki uning bir gunohi kechiriladi. Farishtalar — u oʻz namoz oʻrnida (oʻtirib) turgan ekan — uning uchun (Allohdan) magʻfirat va rahmat soʻrab turadi: ‹Allohim, uni magʻfirat qil! Allohim, unga rahm qil!› — deydi — to u (tahoratini buzib) hadas qilmaguncha yoki boshqalarga ozor (zarar) beradigan ish qilmaguncha», — dedilar. Paygʻambar ﷺ yana: «Kishi — namozni kutib turgan ekan — namozda (hisoblangan) boʻladi», — dedilar.Абу Ҳурайра (розияллоҳу анҳу)дан ривоят қилинади: Аллоҳнинг Расули ﷺ: «Сизлардан бирингизнинг жамоат (билан ўқиган) намози — унинг бозордаги ёки уйидаги намозидан — йигирма (беш ёки йигирма етти) баробар (кўпроқ) савобли(дир). Чунки у (киши) таҳоратини мукаммал қилиб, сўнг — фақат намоз ниятида, уни масжидга намоздан бошқа ҳеч нарса ундамаган ҳолда — масжидга борса, масжидга томон ташлаган ҳар бир қадами учун унга бир даража кўтарилади ёки унинг бир гуноҳи кечирилади. Фаришталар — у ўз намоз ўрнида (ўтириб) турган экан — унинг учун (Аллоҳдан) мағфират ва раҳмат сўраб туради: ‹Аллоҳим, уни мағфират қил! Аллоҳим, унга раҳм қил!› — дейди — то у (таҳоратини бузиб) ҳадас қилмагунча ёки бошқаларга озор (зарар) берадиган иш қилмагунча», — дедилар. Пайғамбар ﷺ яна: «Киши — намозни кутиб турган экан — намозда (ҳисобланган) бўлади», — дедилар.