حَدَّثَنَا مُحَمَّدُ بْنُ الْعَلاَءِ، حَدَّثَنَا أَبُو أُسَامَةَ، عَنْ بُرَيْدٍ، عَنْ أَبِي بُرْدَةَ، عَنْ أَبِي مُوسَى ـ رضى الله عنه ـ عَنِ النَّبِيِّ صلى الله عليه وسلم قَالَ " مَثَلُ الْمُسْلِمِينَ وَالْيَهُودِ وَالنَّصَارَى كَمَثَلِ رَجُلٍ اسْتَأْجَرَ قَوْمًا يَعْمَلُونَ لَهُ عَمَلاً يَوْمًا إِلَى اللَّيْلِ عَلَى أَجْرٍ مَعْلُومٍ، فَعَمِلُوا لَهُ إِلَى نِصْفِ النَّهَارِ فَقَالُوا لاَ حَاجَةَ لَنَا إِلَى أَجْرِكَ الَّذِي شَرَطْتَ لَنَا، وَمَا عَمِلْنَا بَاطِلٌ، فَقَالَ لَهُمْ لاَ تَفْعَلُوا أَكْمِلُوا بَقِيَّةَ عَمَلِكُمْ، وَخُذُوا أَجْرَكُمْ كَامِلاً، فَأَبَوْا وَتَرَكُوا، وَاسْتَأْجَرَ أَجِيرَيْنِ بَعْدَهُمْ فَقَالَ لَهُمَا أَكْمِلاَ بَقِيَّةَ يَوْمِكُمَا هَذَا، وَلَكُمَا الَّذِي شَرَطْتُ لَهُمْ مِنَ الأَجْرِ. فَعَمِلُوا حَتَّى إِذَا كَانَ حِينُ صَلاَةِ الْعَصْرِ قَالاَ لَكَ مَا عَمِلْنَا بَاطِلٌ، وَلَكَ الأَجْرُ الَّذِي جَعَلْتَ لَنَا فِيهِ. فَقَالَ لَهُمَا أَكْمِلاَ بَقِيَّةَ عَمَلِكُمَا، فَإِنَّ مَا بَقِيَ مِنَ النَّهَارِ شَىْءٌ يَسِيرٌ. فَأَبَيَا، وَاسْتَأْجَرَ قَوْمًا أَنْ يَعْمَلُوا لَهُ بَقِيَّةَ يَوْمِهِمْ، فَعَمِلُوا بَقِيَّةَ يَوْمِهِمْ حَتَّى غَابَتِ الشَّمْسُ، وَاسْتَكْمَلُوا أَجْرَ الْفَرِيقَيْنِ كِلَيْهِمَا، فَذَلِكَ مَثَلُهُمْ وَمَثَلُ مَا قَبِلُوا مِنْ هَذَا النُّورِ ".
Abu Muso (roziyallohu anhu)dan rivoyat qilinadi: Paygʻambar ﷺ: «Musulmonlar, yahudiylar va nasroniylarning misoli — ishchilarni — ertalabdan to kechgacha maʼlum (belgilangan) ish haqiga — yollagan bir kishining misoli(dek): ular tush (peshin)gacha ishladi, soʻng: ‹Bizga — sen belgilagan — puling kerak emas va biz qilgan (ish)ni bekor qil›, — dedi. U kishi ularga: ‹Ishni tashlab ketmanglar, balki uning qolganini tugatinglar va toʻliq ish haqingizni olinglar›, — dedi. Lekin ular rad etib, ketdi. U kishi ulardan keyin boshqa bir guruhni yolladi va ularga: ‹Kunning qolgan (qismi)ni tugatinglar, men birinchi guruhga belgilagan ish haqi sizlarga(dir)›, — dedi. Bas, ular asr namozi paytigacha ishladi. Soʻng ular: ‹Biz qilgan (ish)ni bekor qil va bizga vaʼda qilgan ish haqni oʻzingga qoldir›, — dedi. U kishi ularga: ‹Ishning qolgan (qismi)ni tugatinglar — kundan oz (qism)gina qoldi›, — dedi, lekin ular rad etdi. Soʻng u kunning qolgan (qismi)ga ishlash uchun boshqa bir guruhni yolladi va ular kunning qolgan (qismi)ga — to quyosh botguncha — ishladi hamda ular avvalgi ikki guruhning ish haqini oldi. Bas, mana shu — oʻsha odamlar (musulmonlar)ning va ular chin koʻngildan qabul qilgan mana shu nur (hidoyat)ning misoli(dir)», — dedilar.Абу Мусо (розияллоҳу анҳу)дан ривоят қилинади: Пайғамбар ﷺ: «Мусулмонлар, яҳудийлар ва насронийларнинг мисоли — ишчиларни — эрталабдан то кечгача маълум (белгиланган) иш ҳақига — ёллаган бир кишининг мисоли(дек): улар туш (пешин)гача ишлади, сўнг: ‹Бизга — сен белгилаган — пулинг керак эмас ва биз қилган (иш)ни бекор қил›, — деди. У киши уларга: ‹Ишни ташлаб кетманглар, балки унинг қолганини тугатинглар ва тўлиқ иш ҳақингизни олинглар›, — деди. Лекин улар рад этиб, кетди. У киши улардан кейин бошқа бир гуруҳни ёллади ва уларга: ‹Куннинг қолган (қисми)ни тугатинглар, мен биринчи гуруҳга белгилаган иш ҳақи сизларга(дир)›, — деди. Бас, улар аср намози пайтигача ишлади. Сўнг улар: ‹Биз қилган (иш)ни бекор қил ва бизга ваъда қилган иш ҳақни ўзингга қолдир›, — деди. У киши уларга: ‹Ишнинг қолган (қисми)ни тугатинглар — кундан оз (қисм)гина қолди›, — деди, лекин улар рад этди. Сўнг у куннинг қолган (қисми)га ишлаш учун бошқа бир гуруҳни ёллади ва улар куннинг қолган (қисми)га — то қуёш ботгунча — ишлади ҳамда улар аввалги икки гуруҳнинг иш ҳақини олди. Бас, мана шу — ўша одамлар (мусулмонлар)нинг ва улар чин кўнгилдан қабул қилган мана шу нур (ҳидоят)нинг мисоли(дир)», — дедилар.