Zayd ibn Xolid al-Juhaniy (roziyallohu anhu)dan rivoyat qilinadi: Bir badaviy Paygʻambar ﷺ ning oldiga borib, undan luqta (topib olingan narsa) haqida soʻradi. Paygʻambar ﷺ: «Uni bir yil davomida (elga) eʼlon qil. Uning idishi va — uni bogʻlashda ishlatilgan — ipning tavsifini eslab qol; agar kimdir kelib, uni talab qilsa va uni toʻgʻri tavsiflasa, (unga ber); aks holda, uni ishlat», — dedilar. U: «Yo Rasululloh, yoʻqolgan qoʻy-chi?» — dedi. Paygʻambar ﷺ: «U — sen uchun, birodaring (yaʼni egasi) uchun, yoki boʻri uchun(dir)», — dedilar. U yana: «Yoʻqolgan tuya-chi?» — deb soʻradi. Shunda Paygʻambar ﷺ ning yuzi (gʻazabdan) qizardi va u zot: «Sening unga hech aloqang yoʻq — chunki uning oʻz oyoqlari, oʻz suv zaxirasi bor; u suvli joylarga yetib bora oladi, (suv) ichadi va daraxtlardan yeydi», — dedilar.Зайд ибн Холид ал-Жуҳаний (розияллоҳу анҳу)дан ривоят қилинади: Бир бадавий Пайғамбар ﷺ нинг олдига бориб, ундан луқта (топиб олинган нарса) ҳақида сўради. Пайғамбар ﷺ: «Уни бир йил давомида (элга) эълон қил. Унинг идиши ва — уни боғлашда ишлатилган — ипнинг тавсифини эслаб қол; агар кимдир келиб, уни талаб қилса ва уни тўғри тавсифласа, (унга бер); акс ҳолда, уни ишлат», — дедилар. У: «Ё Расулуллоҳ, йўқолган қўй-чи?» — деди. Пайғамбар ﷺ: «У — сен учун, биродаринг (яъни эгаси) учун, ёки бўри учун(дир)», — дедилар. У яна: «Йўқолган туя-чи?» — деб сўради. Шунда Пайғамбар ﷺ нинг юзи (ғазабдан) қизарди ва у зот: «Сенинг унга ҳеч алоқанг йўқ — чунки унинг ўз оёқлари, ўз сув захираси бор; у сувли жойларга етиб бора олади, (сув) ичади ва дарахтлардан ейди», — дедилар.