Anas ibn Molik (roziyallohu anhu)dan rivoyat qilinadi: Ummu Harom menga aytdiki, Paygʻambar ﷺ bir kuni uning uyida tushlik (peshin) uyqusini oldi. Soʻng u zot tabassum qilib uygʻondi. Ummu Harom: «Yo Rasululloh! Sizni nima kuldiryapti?» — deb soʻradi. U zot: «Men (tushimda) ummatimdan baʼzilarini — dengiz safarida, taxtlar ustidagi podshohlardek — koʻrib hayratlandim», — dedi. U: «Yo Rasululloh! Meni ulardan biri qilishini Allohdan soʻrang», — dedi. U zot: «Sen ulardan(san)», — dedi. U zot yana uxladi, soʻng tabassum qilib uygʻondi va — ikki yoki uch marta — avvalgidek (gapni) aytdi. U: «Yo Rasululloh! Meni ulardan biri qilishini Allohdan soʻrang», — dedi. U zot: «Sen birinchi guruhdan(san)», — dedi. Ubada ibn Somit unga (Ummu Haromga) uylandi va soʻng uni jihodga olib ketdi. U qaytganda, unga minish uchun bir hayvon keltirildi, lekin u yiqilib tushdi va boʻyni sindi.Анас ибн Молик (розияллоҳу анҳу)дан ривоят қилинади: Умму Ҳаром менга айтдики, Пайғамбар ﷺ бир куни унинг уйида тушлик (пешин) уйқусини олди. Сўнг у зот табассум қилиб уйғонди. Умму Ҳаром: «Ё Расулуллоҳ! Сизни нима кулдиряпти?» — деб сўради. У зот: «Мен (тушимда) умматимдан баъзиларини — денгиз сафарида, тахтлар устидаги подшоҳлардек — кўриб ҳайратландим», — деди. У: «Ё Расулуллоҳ! Мени улардан бири қилишини Аллоҳдан сўранг», — деди. У зот: «Сен улардан(сан)», — деди. У зот яна ухлади, сўнг табассум қилиб уйғонди ва — икки ёки уч марта — аввалгидек (гапни) айтди. У: «Ё Расулуллоҳ! Мени улардан бири қилишини Аллоҳдан сўранг», — деди. У зот: «Сен биринчи гуруҳдан(сан)», — деди. Убада ибн Сомит унга (Умму Ҳаромга) уйланди ва сўнг уни жиҳодга олиб кетди. У қайтганда, унга миниш учун бир ҳайвон келтирилди, лекин у йиқилиб тушди ва бўйни синди.