Jobir (roziyallohu anhu)dan rivoyat qilinadi: Otam qarzdor holda vafot etgan edi. Bas, men Paygʻambar ﷺ ning oldiga kelib: «Otam toʻlanmagan qarzlarni qoldirib (vafot etdi) va menda — uning xurmo daraxtlarining hosilidan boshqa — hech narsa yoʻq; ularning bir necha yillik hosili (ham) uning qarzlarini qoplamaydi. Bas, men bilan yuring — toki qarzdorlar menga (qoʻpol) muomala qilmasin», — dedim. Paygʻambar ﷺ xurmo uyumlaridan birining atrofida aylanib, (Allohga) duo qildi; soʻng boshqa bir uyum bilan (ham) shunday qildi va uning ustiga oʻtirib: «(Ularga) oʻlchab ber», — dedi. Men ularning haqqini toʻladim va (shunda ham) ortib qolgani — ularga toʻlangani qadar (koʻp) edi.Жобир (розияллоҳу анҳу)дан ривоят қилинади: Отам қарздор ҳолда вафот этган эди. Бас, мен Пайғамбар ﷺ нинг олдига келиб: «Отам тўланмаган қарзларни қолдириб (вафот этди) ва менда — унинг хурмо дарахтларининг ҳосилидан бошқа — ҳеч нарса йўқ; уларнинг бир неча йиллик ҳосили (ҳам) унинг қарзларини қопламайди. Бас, мен билан юринг — токи қарздорлар менга (қўпол) муомала қилмасин», — дедим. Пайғамбар ﷺ хурмо уюмларидан бирининг атрофида айланиб, (Аллоҳга) дуо қилди; сўнг бошқа бир уюм билан (ҳам) шундай қилди ва унинг устига ўтириб: «(Уларга) ўлчаб бер», — деди. Мен уларнинг ҳаққини тўладим ва (шунда ҳам) ортиб қолгани — уларга тўлангани қадар (кўп) эди.