حَدَّثَنَا مُوسَى، عَنْ أَبِي عَوَانَةَ، عَنْ مُغِيرَةَ، عَنْ إِبْرَاهِيمَ، عَنْ عَلْقَمَةَ، دَخَلْتُ الشَّأْمَ فَصَلَّيْتُ رَكْعَتَيْنِ، فَقُلْتُ اللَّهُمَّ يَسِّرْ لِي جَلِيسًا. فَرَأَيْتُ شَيْخًا مُقْبِلاً، فَلَمَّا دَنَا قُلْتُ أَرْجُو أَنْ يَكُونَ اسْتَجَابَ. قَالَ مِنْ أَيْنَ أَنْتَ قُلْتُ مِنْ أَهْلِ الْكُوفَةِ. قَالَ أَفَلَمْ يَكُنْ فِيكُمْ صَاحِبُ النَّعْلَيْنِ وَالْوِسَادِ وَالْمِطْهَرَةِ أَوَلَمْ يَكُنْ فِيكُمُ الَّذِي أُجِيرَ مِنَ الشَّيْطَانِ أَوَلَمْ يَكُنْ فِيكُمْ صَاحِبُ السِّرِّ الَّذِي لاَ يَعْلَمُهُ غَيْرُهُ كَيْفَ قَرَأَ ابْنُ أُمِّ عَبْدٍ {وَاللَّيْلِ} فَقَرَأْتُ {وَاللَّيْلِ إِذَا يَغْشَى * وَالنَّهَارِ إِذَا تَجَلَّى * وَالذَّكَرِ وَالأُنْثَى}. قَالَ أَقْرَأَنِيهَا النَّبِيُّ صلى الله عليه وسلم فَاهُ إِلَى فِيَّ، فَمَا زَالَ هَؤُلاَءِ حَتَّى كَادُوا يَرُدُّونِي.
Men Shomga kirdim va ikki rakat namoz oʻqib: «Allohim, menga (solih) bir hamsuhbat muyassar qil», dedim. Soʻng bir shayxni (oʻzimga) yaqinlashib kelayotgan koʻrdim. U yaqinlashganda, men: «Umid qilamanki, (Alloh duomni) ijobat qilgandir», dedim. U: «Sen qayerdansan?» dedi. Men: «Kufa ahlidanman», dedim. U: «Sizlar orasida kavush, yostiq va tahorat idishi sohibi (Abdulloh ibn Masʼud) yoʻq edimi? Sizlar orasida shaytondan panoh berilgan kishi (Ammor) yoʻq edimi? Sizlar orasida undan boshqa hech kim bilmaydigan sirning sohibi (Huzayfa) yoʻq edimi? Ibn Ummu Abd ‹Val-layl›ni qanday oʻqigan?» dedi. Men: «‹Val-layli izo yagʻsho, van-nahori izo tajallo, vaz-zakari val-unso›» (deb) oʻqidim. U: «Buni menga Paygʻambar ﷺ oʻz ogʻizlaridan mening ogʻzimga (bevosita) oʻqitganlar. Mana bular (shomliklar) meni (bu qiroatdan) qaytarmoqchi boʻlguday boʻlishdi (ammo qaytara olishmadi)», dedi.Мен Шомга кирдим ва икки ракат намоз ўқиб: «Аллоҳим, менга (солиҳ) бир ҳамсуҳбат муяссар қил», дедим. Сўнг бир шайхни (ўзимга) яқинлашиб келаётган кўрдим. У яқинлашганда, мен: «Умид қиламанки, (Аллоҳ дуомни) ижобат қилгандир», дедим. У: «Сен қаердансан?» деди. Мен: «Куфа аҳлиданман», дедим. У: «Сизлар орасида кавуш, ёстиқ ва таҳорат идиши соҳиби (Абдуллоҳ ибн Масъуд) йўқ эдими? Сизлар орасида шайтондан паноҳ берилган киши (Аммор) йўқ эдими? Сизлар орасида ундан бошқа ҳеч ким билмайдиган сирнинг соҳиби (Ҳузайфа) йўқ эдими? Ибн Умму Абд ‹Вал-лайл›ни қандай ўқиган?» деди. Мен: «‹Вал-лайли изо яғшо, ван-наҳори изо тажалло, ваз-закари вал-унсо›» (деб) ўқидим. У: «Буни менга Пайғамбар ﷺ ўз оғизларидан менинг оғзимга (бевосита) ўқитганлар. Мана булар (шомликлар) мени (бу қироатдан) қайтармоқчи бўлгудай бўлишди (аммо қайтара олишмади)», деди.